Mannu's blog

આજના વડીલો યંગસ્ટર્સ આગળ બણગાં ફૂંકતા હોય છે કે ‘અમે તો લખોટીઓ રમતા, ૧૦ પૈસાનો ગોળો ચૂસતા અને ૨૫ પૈસાવાળી ટિકડીઓ ફોડતાં… છતાં પણ ‘સુખી’ હતા !’ લો બોલો, જાણે આજની જનરેશનને તો કોઈ દુઃખ જ નહીં હોય ? વડીલ, તમે શું જાણો કે…. ***  એક્ઝામોનું પ્રેશર કોને કહેવાય ? એ તો આજના વડીલો પણ કબૂલ કરશે કે એ જમાનામાં પરીક્ષાઓનો કોઈ મોટો ‘હાઉ’ હતો જ નહીં. નાપાસ થઈએ તો બાપાના હાથની બે ધોલ ખાવી પડે એટલું જ… પણ આજે ? બિચારું બાબલું હજી કેજીમાં દાખલ થયું નથી કે એક્ઝામો ચાલુ ! ચોથા ધોરણમાં તો ટ્યૂશનો ચાલુ થઈ જાય ! ઉપરથી દર મહિને ‘મન્થલી ટેસ્ટ’ ! અને મમ્મીઓ ? પાંચ માર્ક ઓછા આવે એમાં તો પ્રિન્સિપાલ જોડે લડવા પહોંચી જાય છે ! બોલો, તમને હતું આ દુઃખ ? ***  ફ્રેન્ડ્ઝનું પ્રેશર કોને કહેવાય ? તમારા જમાનામાં તમારો એ દોસ્ત ગિલ્લીડંડામાં તમારી પદૂડી કાઢતો હોય, તમારી લખોટીઓ ચોરી લેતો હોય, ક્રિકેટમાં અંચઈઓ કરતો હોય અને પરીક્ષામાં તમારી જ સપ્લીમેન્ટ્રીઓ ખેંચીને ચોરી કરતો હોય તોય કહેવાય શું ? ‘ભઈબંધ’ ! આજે અહીં તો ચાર ફ્રેન્ડ્ઝ બનાવવા મુશ્કેલ છે ! એમાંય ફેસબુકમાં જેના ફ્રેન્ડ્ઝ ઓછા હોય એની કોઈ વેલ્યુ જ નથી ! અરે વડી...