Mannu's blog

આમ તો રાજકારણમાં આખું વરસ સામસામા ભીંતભડાકા થતાં જ રહે છે, પરંતુ આ વખતની દિવાળી માટે બજારમાં નવો સ્ટોક આવી ગયો છે ! ***  કોંગ્રેસના ધૂમધડાકા : દિલ્હીમાં ૧ નવેમ્બરથી કોંગ્રસની નવી ધમાકેદાર આતશબાજી રામલીલા મેદાનથી ચાલુ થવાની છે ! આમાં આખું પેકેજ આ મુજબ છે : (૧) રાહુલ બ્રાન્ડ રોકેટો : કહે છે કે રાહુલજી વિયેતનામ જઈને નવો બારૂદ ભરી લાવ્યા છે ! આ નવાં રોકેટો આમ તો જ્ઞાનેશ કુમાર સામે છોડવાનાં છે પણ ફંટાઈને મોદીજી તરફ જવાની પૂરી શક્યતા છે ! (૨) પ્રિયંકા બ્રાન્ડ કોઠી : સામાન્ય રીતે થોડી મિનિટો માટે સુંદર ઝળહળતી રોશની ફેલાવવા માટે જાણીતી આ કોઠી આ વખતે અણધારી ફૂટે પણ ખરી ! સંભાળજો ! (૩) નેહા બોરા બ્રાન્ડ ભોંયચકરી : આ ભોંયચકરી વારંવાર સડક ઉપર ફેલાઈને મહિલા પોલીસોના પગમાં અટવાઈ જવા માટે જાણીતી છે ! એના તણખા વડે રીલ્સ પણ બહુ જોરદાર બને છે ! ***  કોકરોચ પાર્ટીનું ‘સેલ’ : પેલી બાજુ કોંગ્રેસમાં ‘ફેસ્ટિવ સિઝન’ આવી છે ત્યારે આ બાજુ કોકરોચ પાર્ટીનાં ‘ઓફ-સિઝન સેલ’નાં પાટિયાં લાગી ગયાં છે ! જુઓ પેકેજ… (૧) વિખરાયેલું તારામંડળ : ‘તારા’ યાને કે ‘સ્ટાર’…! બે-ત્રણ મહિના પહેલાં જંતરમંતરના શો-રૂમમાં વાંગચ...