બિચારાં મમતાજીની માઠી બેઠી છે ! એક તો સજ્જડ હાર, ઉપરથી રાહુલબાબા આમંત્રણ આપે છે કે તૃણમૂલને વિખેરી નાંખો અને કોંગ્રેસમાં આવી જાવ !
આવે સમય હવે તૃણમૂલ કોંગ્રેસનું બેસણું જ કરવાનું બાકી રહ્યું! તો સાંભળો આ બેસણાંનું ‘સંગીત’…
***
બેસણામાં તમે દાખલ થાઓ ત્યારે સફેદ કપડામાં બેઠેલાં મમતાજી અને દસબાર ‘ડાઘુઓ’ સિવાયની તમામ ખુરશીઓ ખાલી દેખાશે… ત્યારે આ ગીત ચાલતું હશે :
‘કલ ચમન થા, આજ યે સહેરા હુઆ…
દેખતે હી દેખતે યે ક્યા હુઆ….’
***
તૃણમૂલની હેડ-ઓફિસના ફોટા ઉપર ફૂલ ચડાવ્યા પછી તમે મમતાજીથી થોડે દૂર બેઠેલા કોઈ ‘વફાદાર’ કાર્યકર્તાને પૂછશો કે ‘ભઈ, ઈતના સન્નાટા ક્યું હૈ ?’
તે વખતે પહેલાં તો આ સાખી ગુંજી ઉઠશે :
‘જાને વાલે… કભીઈઈઈ નહીં આતે…
જાને વાલે કી યાદ આતી હૈ…’
પછી નવા ગીતનો ઉપાડ આવશે :
‘જો ચલા ગયા ઉસે ભૂલ જા,
વો ના સૂન સકેગા તેરી સદા…’
***
એવામાં બેસણાના મંડપ પાસે પોલીસવાન આવીને ઊભી રહેશે. એમાંથી ઉતરીને બે પોલીસવાળા મમતાજીના હાથમાં કોઈ કોર્ટ કેસની નોટિસ પકડાવતા હશે…ત્યારે આ ગીત વાગતું હશે :
‘રહતે થે કભી જિન કે દિલ મેં,
હમ જાન સે ભી પ્યારોં કી તરહા,
બૈઠે હૈં ઉન્હી કે કૂચે મેં,
હમ આજ ગુનહગારોં કી તરહા…’
***
એમાં વળી બે ચાર બુદ્ધિજીવીઓ, ત્રણ ચાર સેક્યુલર પત્રકારો અને એકાદ લઘુમતી નેતા મમતાજીને દિલાસો આપવાની કોશિશ કરતા હશે ત્યાં સ્પીકરમાંથી ગુંજી ઉઠશે :
‘મુઝે તુમ સે કુછ ભી ના ચાહિયે,
મુઝે મેરે હાલ પે છોડ દો…’
***
અને છેલ્લે મંડપવાળો આવશે. મમતાજીને મંડપ ખાલી કરવા કહેશે… ત્યારે પરફેક્ટ ગીત વાગતું હશે :
‘ચલ રી સજની અબ ક્યા સોચે…
કજરા ના બહ જાયે, રોતે રોતે…’
***
- મન્નુ શેખચલ્લી
Comments
Post a Comment