ક્યારેક વિચાર આવે છે કે આપણી આ દુનિયા ‘રીયલ’ છે કે ‘વર્ચ્યુઅલ’ ? કેમકે…
***
આજકાલ વાતચીત…
સ્નેપ-ચેટ અને વોટ્સેએપમાં થાય છે.
***
આજકાલ ફ્રેન્ડશીપ…
ઇન્સ્ટાગ્રામમાં થાય છે.
***
આજકાલ લવ અને ડેટિંગ…
ટિંડર, કિપ્પો અને બમ્બલથી થાય છે.
***
અને બ્રેકઅપ પણ…
ડીલીટ અને બ્લોક કરવાથી થાય છે !
***
અરે, આજકાલ લગ્નો…
જીવનસાથી ડોટ-કોમથી થાય છે !
***
આજકાલ ઓપિનીયન…
એક્સ (ટ્વીટર)માં થાય છે.
***
આજકાલ વિરોધ…
કોક્રોચ પાર્ટીના ફોલોઅર થવાથી થઈ જાય છે !
***
આજકાલ મુવીઝ…
ઓનલાઈન જોવાય જાય છે.
***
અરે, આજકાલ કોર્ટ-કેસો પણ…
ઓનલાઈન ચાલે છે !
***
આજકાલ શોપિંગ તો..,.
ઓનલાઈન જ થાય છે.
***
ઘરની રસોઈ…
યુ-ટ્યુબમાં જોઈને થાય છે.
અને રેસ્ટોરન્ટનું ખાવું હોય તો…
‘ઝોમેટો’ અને ‘સ્વીગી’ થાય છે !
***
ઓફિસની મિટિંગો…
‘ઝૂમ’માં થાય છે.
***
ફેસ-ટુ-ફેસ વાતચીત…
વિડીયો કોલમાં થાય છે.
***
સગાવ્હાલાં અને મિત્રો…
વોટ્સએપના ગ્રુપોમાં જ હોય છે.
અને રીસામણાં…
ગ્રુપને ‘લેફ્ટ’ કરી જવાથી થાય છે !
***
અરે, ભગવાનનાં દર્શન પણ…
ઓનલાઈન ‘લાઈવ’ થાય છે !
***
છતાં એક ચીજ હજી એવી છે જે ઓનલાઈન નથી થઈ શકતી…
- વાળ કપાવવાનું !
***
અને એક ચીજ ‘રીયલ’ સ્વરૂપમાં જ્યારે ઘરમાં આવે છે ત્યારે જ ‘હાશ’ થાય છે…
- એ છે ગેસનો બાટલો !
***
- મન્નુ શેખચલ્લી
Comments
Post a Comment