બાટલા, છાણાં અને કોલસા !

ગેસના બાટલાની તો અછત છે જ, પણ ભારતીય પ્રજાની સેન્સ ઓફ હ્યુમર જુઓ… જાતજાતની જોક્સમાં ‘ભરતી’ આવી ગઈ છે ! આવો, એમાં થોડી નવી ઉમેરીએ…

*** 

(નવી ફિલ્મો આવી રહી છે.)

‘મુકદ્દર કા સિલિન્ડર’

‘જો ચલા વોહી સિલિન્ડર’

*** 

(નવાં ગાયનો આવી રહ્યાં છે)

‘સિલિન્ડર… સિલિન્ડર… યહાં સે વહાં તક યે લોકોં કી લાઈને કહાં સે કહાં તક ? મેરે હમસફર, મેરી રિ-ફીલ કહાં તક ?’

‘યારાં સીલી સીલી, બચી હુઈ ગેસ કા જલના... યારાં સીલી સીલી… યે ભી કોઈ ખાના હૈ ? યે ભી કોઈ પીના ? યારાં સીલી સીલી…’

*** 

(નવાં બ્રેકિંગ ન્યુઝ આવી રહ્યા છે)

‘પકડાયો… પકડાયો… ગામમાં છાણાં ચોર પકડાયો !’

‘આ તો રંગે હાથ પકડાયો… હાથ કાળા જોતાં જ પોલીસને પડ્યો શક ! તપાસ કરતાં એ શખ્શ નીકળ્યો કોલસા-ચોર !’

‘ખોદા પહાડ… નિકલા ચૂહા… ગોડાઉન મેં કોયલા કા બડા સ્ટોક સમજકર મારા છાપા… મગર વો નિકલા ‘કોયલા’ મુવી કી પુરાની ડીવીડી કા સ્ટોક !’

*** 

નેતાજીએ આપી લાખેણી સલાહ… કહ્યું કે ગાયો-ભેંશોને વધુ ને વધુ ઘાસ ખવડાવો ! આનાથી ગોબરનું વધશે ઉત્પાદન… પછી ગામે ગામ લગાવીશું ગોબર-ગેસના પ્લાન્ટ !

*** 

(ફિલ્મમાં નવું દૃશ્ય આવશે.)

ગબ્બર એના ડાકુઓ સાથે મારમાર કરતો ઘોડા ઉપર આવીને ત્રાડ પાડે છે : ‘સુન લો રામગઢ કે ગાંવ વાલોઓઓ...’

પણ ગામમાં કોઈ નથી ! એ જોઈને ગબ્બર એકે હંગલનો ડાયલોગ બોલે છે : ‘ઇતના સન્નાટા ક્યું હૈ ભઈ ?’

ત્યારે કાલિયો કહે છે : ‘સરદાર, બાજુ કે ગાંવ મેં નયે ગેસ સિલિન્ડર કા ટ્રક આયા હૈ !’

*** 

(પોલીસ પણ એકશનમાં હશે)

એક જલસામાં એક ગઝલ ગાયક ગાઈ રહ્યો હતો : ‘દેખ કે દિલ, કે જાં સે ઉઠતા હૈ.. યે ધૂવાં સા કહાં સે ઉઠતા હૈ…’

પોલીસે તરત જ તેની ધરપકડ કરી લીધી ! એમને લાગ્યું કે ‘ઇન્ફોર્મર’ છે !

*** 

(રિપોર્ટ બહાર આવશે.)

દિલ્હીનું પ્રદૂષણ અચાનક ખૂબજ… ખૂબ જ વધી જશે… છેવટે સરકારી તપાસ કમિટીનો રિપોર્ટ આવશે :

‘આનાથી દિલ્હીવાસીઓની પૌષ્ટિકતામાં જોરદાર વધારો થયો છે ! કેમકે લોકો છાણાં, કોલસા અને લાકડાં વડે સાત્વિક ભોજન રાંધી રહ્યા છે !’

***

- મન્નુ શેખચલ્લી