આંકડાઓનો આખો ખેલ જ નિરાળો છે ! અમુક આંકડાઓને અંદરથી જરા ખોતરીએ તો જાતભાતની અવળચંડાઈ બહાર આવતી હોય છે. જુઓ….
***
ટ્રમ્પ કહે છે કે મેં ભારત ઉપરની ટેરિફ ૫૦ ટકાથી ઘટાડીને માત્ર ૧૮ ટકા કરી નાંખી છે !
- એ બધું છોડો, તમે રૂપિયા સામે ડોલરમાં માત્ર ૧૮ ટકા ઘટાડી દો…. બાકીનું અમે ફોડી લઈશું !
***
પાકિસ્તાન જો વર્લ્ડ-કપમાં ભારત સામે રમવા નહીં ઉતરે તો એમને ૨૭૦ કરોડ (લગભગ ૩ કરોડ ડોલર)નું નુકસાઈ થઈ શકે.
- માત્ર ૩ કરોડ ડોલર ? એમાં શું ? અમેરિકાએ પાકિસ્તાનને ૨.૭ અબ્બજ ડોલર લોન તરીકે શેના માટે અપાવ્યા છે ? ભારતને સળી કરતાં રહેવા માટે જ ને !
***
ભારત બાંગ્લાદેશને હવે ૧૨૦ કરોડને બદલે માત્ર ૬૦ કરોડ રૂપિયાની જ મદદ કરશે.
- એ ૬૦ કરોડ શેના માટે વપરાશે ? ત્યાંના હિન્દુઓની અંતિમક્રિયા માટે ?
***
ગુજરાતમાં એસઆઈઆર માટેની ચકાસણીમાં ૧૨ લાખ ૨૪ હજાર મતદારો માટેની વાંધાઅરજીઓ રાતોરાત પાછી ખેંચાઈ ગઈ !
- જોયું ? આમાં તો વાંધા પાડનારાઓની જ ‘ચકાસણી’ થઈ ગઈ ને ?
***
મોઢાના કેન્સરના કેસોમાં માત્ર ૧ વરસમાં ૧૦ ટકાનો વધારો નોંધાયો !
- હા, પણ મોંઢામાં એટલે કે દાંતમાં પુરેલી ચાંદીની કિંમતમાં તો ૨૮૫ ટકાનો વધારો થયો ને ? જલ્સા કરોને ભૈશાબ…
***
આ વરસના બજેટમાં ૧.૭૦ લાખ કરોડ રૂપિયા ખાતર માટે ખર્ચાશે !
- અને તમામ પ્રકારના ભ્રષ્ટાચારોમાં જે ‘ખાતર ઉપર દિવેલ’ થાય છે એમાં કેટલા ?
***
- મન્નુ શેખચલ્લી
Comments
Post a Comment