આંખો આવવાનાં ગાયનો !

આખા ગુજરાતમાં ‘આંખો આવવાનો’ રોગ યાને કે આઇ ઇન્ફેક્શનનો વાવર ચાલી રહ્યો છે. આવા સમયે અમુક ગાયનો બિલકુલ ફીટ બેસે છે…

*** 

આ રોગ આઇ-કોન્ટેક્ટ યાને કે નજરોને મિલાવવાથી થાય છે. તો બજારની ભીડમાં, બસમાં કે ટ્રેનમાં, સૌએ મનમાં ગાવાનું છે :

‘અખિયાં મિલા કે 

જીયા ભરમાકે 

ચલે નહીં જાના… હોઓઓ..’

*** 

પ્રેમી-પ્રેમિકાઓએ તો ખાસ ચેતવા જેવું છે. સરકારી એડવાઇઝરી સ્પષ્ટ છે :

‘નૈન કો નૈન સે નાહીં મિલાઓ, 

દેખત સુરત આવત લાજ !’

(કેમકે સુજી ગયેલી આંખોવાળી સુરત લઇને ફરવું શરમની વાત થઈ ને !)

*** 

પ્રેમીઓ, તમારી આંખો આવી હોય અને તમે ડોક્ટર પાસે જશો તો ડોક્ટર તરત જ મનમાં સમજી જશે :

‘નૈન મિલાકર ચૈન ચૂરાના 

કિસ કા હૈ યે કામ ? 

હમ સે પૂછો હમ કો પતા હૈ 

ઉસ જાલિમ કા નામ !’

*** 

એટલે જ વડીલો અને નિષ્ણાતો જાહેર ચેતવણી આપતા હોય એમ કહે છે :

‘નૈનોં કી મત સુણિયો રે

નૈના ઠગ લેંગે !

જગતે જાદૂ ફૂકેંગે,

નીંદે બંજર કર દેંગે !’

*** 

છતાં જેઓ માનતા નથી, કાળજી લેતા નથી, એમની આંખો સતત દદડે છે, લાલ થઈ જાય છે, સુજેલી રહે છે… મનમાં ટેન્શન રહે છે, રાતોની ઊંઘ હરામ થઈ જાય છે ! એમણે છેવટે ગુજરાતીમાં ગાવું પડે છે :

‘નૈન ચકચૂર છે, 

મન આતૂર છે, 

હવે શું રહી ગયું બાકી ? 

કહો મંજુર છે !’

*** 

ચેપ લાગી ગયા પછી ડાચું એટલું ખરાબ દેખાય છે કે ઝખ મારીને ગોગલ્સ પહેરી રાખવા પડે છે ! ત્યારે પાડોશીઓ અને ફ્રેન્ડ્ઝ મજાકમાં ગાતા હોય છે :

‘તૈનું કાળા ચશ્મા જચતા હૈ, 

જચતા હૈ ગોરે મુખડે પે !’

***

- મન્નુ શેખચલ્લી