ભારતનું ચંદ્રયાન-૩ સફળતાપૂર્વક ચંદ્ર ઉપર ઉતર્યું એમાં તો ક્રેડિટ લેનારાઓ અંદરો અંદર બાખડી પડ્યા છે ! કોંગ્રેસીઓ કહે છે કે જવાહરલાલે છેક 1962માં પ્રેરણા આપી એટલે આ થયું.. અને ભક્તો કહે છે સાહેબે હિંમત વધારી એટલે જ ડંકો વાગ્યો !
આમાં અમુક તો ‘પ્રોજેક્ટમાં હું પણ હતો…’ જેવા જાનેયાઓ ફૂટી નીકળ્યા છે ! આમાં ને આમાં ફિલ્મી ગાયનોની પથારી ફરી ગઈ છે ! સાંભળો…
***
બધા પોતપોતાના નેતાને ‘પ્રેરણામૂર્તિ’ ગણાવવા માટે ચંદ્ર પાસે જ સિફારીશ માગી રહ્યા છે...
‘ચાંદ સિફારીશ જો કરતા હમારી,
દેતા વો મિડીયા કો બતા !
શર્મો હયા ગઈ ભાડ મેં,
મેરા નેતા હી બડા !’
***
આમાં બન્ને પાર્ટીવાળા ‘ફેક્ટ-ચેક’ કરવા માટે કૂદી પડ્યા છે ! એ લોકો ડાયરેક્ટ ચંદ્રનો જ હવાલો આપતાં કહે છે :
‘મૈ ને પૂછા ચાંદ સે,
કે દેખા હૈ કહીં ?
ઉસ સે જુઠા કોઈ કહીં ?
ચાંદ ને કહા ટ્વિટર કી કસમ…
નહીં ! નહીં ! નહીંઈંઈં !!’
***
ક્રેડિટ માટેની જે ખેંચમતાણી પૃથ્વી ઉપર ચાલી રહી છે એની બિચારા ચંદ્રને તો કશી ખબર જ ના હોય ને ? એટલે જ કોઈ કવિએ ગાયું છે કે…
‘ચાંદ કો ક્યા માલુમ ?
ચાહતા હર કોઈ ઉસ કી ક્રેડિટ !
વો બેચારા દૂર સે દેખે,
કરે ના કોઈ કોમેન્ટ ! હોઓઓ…’
***
તમામ કેમેરાએ ચંદ્ર તરફથી મોં ફેરવી લીધાં છે… બિચારું વિક્રમ રોવર ત્યાં એકલું એકલું આંટા મારી રહ્યું છે… અને કાળા ડિબાંગ આકાશમાં તારાઓ સમૂહમાં ગણગણી રહ્યા છે :
‘ચંદામામા સો ગયે,
ચમચે સારે જાગે !
સોશિયલ મિડીયા પે ધમાધમ,
ક્રેડિટ હરકોઈ માંગે !
એક કહાની ખતમ તો દૂજી,
બના રહી હમેં મામૂ !! ઓ મા…મૂ…’
***
ચંદ્રયાનની ક્રેડિટ લઈને હવામાં ઊડી રહેલા નેતાઓને હવે પ્રજાએ કહેવું પડશે કે…
‘નેતા રે નેતા રે…
કભી તો જમીં પર આ !
બૈઠેંગે… (ચાય પે) બાતેં કરેંગે !’
***
- મન્નુ શેખચલ્લી
Comments
Post a Comment