રાજકારણમાં તો બારે માસ નૌટંકી ચાલતી જ રહે છે. ફરક એટલો જ કે એમનાં નાટકોનાં કોઈ નામ નથી હોતાં.
બીજી તરફ, અમુક ગુજરાતી નાટકોનાં એવાં એવાં ક્લાસિક નામો છે જે કોઈપણ સમયની કોઈપણ રાજકીય નૌટંકી ઉપર બંધબેસતાં આવે છે ! જુઓ…
***
ટાળો ટાળો તોય ગોટાળો
કલાકારો : MNS બેન્કના હોદ્દેદારો અને સરકાર
***
અમે લઈ ગયા, તમે રહી ગયા
કલાકારો : હરિયાણાના ચીફ મિનિસ્ટર મનોહરલાલ ખટ્ટર, ડેપ્યુટી ચીફ મિનિસ્ટર દુષ્યંત ચૌટાલા તથા કોંગ્રેસના વિધાયકો.
***
મનસુખ માનતો નથી
કલાકાર : ઉદ્ધવ ઠાકરે અને દેવેન્દ્ર ફડનવીસ (મહારાષ્ટ્ર)
***
અમે બરફનાં પંખી
કલાકારો : સોનિયા ગાંધી અને રાહુલ ગાંધી
***
એકબીજાને ગમતા રહીએ
કલાકારો : નરેન્દ્ર મોદી અને અમિત શાહ
***
વાઈફ વાઈ-ફાઈ, સાસુ હાઈ-ફાઈ
કલાકારો : રોબર્ટ વડેરા, પ્રિયંકા વડેરા અને સોનિયા ગાંધી
***
પ્રીત, પીયુ ને પાનેતર
કલાકારો : બંગાળના સાંસદ નુસરત જહાં અને તેમના હિન્દુ પતિ
***
હું, બાવો ને મંગળદાસ
કલાકારો : અરવિંદ કેજરીવાલ અને તેમના જુજ સાથીઓ
***
સખણા રહેજો રાજ
કલાકારો : વિધાનસભામાં ચૂંટાયેલા કલંકિત ધારાસભ્યો
***
બંધ હોઠની વાત
કલાકારો : ઓમાર અબ્દુલ્લા, મહેબૂબા મુફ્તી, હુર્રિયત કોન્ફરન્સના નેતાઓ.
***
અભિનય સમ્રાટ
કલાકાર : … નામ લખવાની જરૂર ખરી ?
***
- મન્નુ શેખચલ્લી
Comments
Post a Comment