આ ચૂંટણીની સિઝનમાં બોલીવૂડની ફિલ્મો તો સાવ બેસી ગઈ છે પણ અમુક ફિલ્મોની ‘ફ્રેન્ચાઇઝી’ બરોબર ચાલી રહી હોય એવું લાગે છે ! જુઓ…
***
શેહઝાદા - ટુ
કલાકારો : માત્ર રાહુલ ગાંધી નહીં પણ જ્યોતિરાદિત્ય સિંધિયા, તેજસ્વી યાદવ, જયંત ચૌધરી, કાર્તિ ચિદમ્બરમ અને કલાનિધિ મારન જેવા બે ડઝન સુપરસ્ટારો જેમને વારસામાં સત્તા મળી છે.
***
શાબાશ મિઠ્ઠુ - ટુ
કલાકારો : પ્રિયંકા ગાંધી, મિસા યાદવ અને હજારો ચમચા સપોર્ટરો.
***
ચોર નિકલ કે ભાગા (પ્રિક્વલ)
કલાકારો : નીરવ મોદી, વિજય માલ્યા અને મેહૂલ ચોકસી
***
જેલર : ટુ પોઇન્ટ ઝિરો
કલાકાર : સુપર સ્ટાર કેજરીવાલ ! જેમાં આ કલાકાર આવનારી ફિલ્મમાં જેલમાં કેદી તરીકે રહેવાને બદલે આખી જેલ ઉપર ધાક જમાવતા જેલર તરીકે જોવા મળશે.
***
લાપતા લેડિઝ – ટુ
કલાકારો : રાબડી દેવી, મેનકા ગાંધી, મહેબૂબા મુફ્તી, વસુંધરા રાજે, ઉમા ભારતી વગેરે…
***
‘મૈદાન’ ઔર ‘ભીડ’
આ ટુ-ઈન-વન જેવી એક શોમાં બે ફિલ્મની ઓફર છે ! જેનું બુકિંગ ૪ જુને પતી જશે ! એ પછી કોઈ શો થશે નહીં !
***
તેરી બાતોં મેં ઐસા ઉલઝા જીયા
આ ડોક્યુમેન્ટ્રી છે જેમાં દરેક પાર્ટીના માત્ર ઢંઢેરા વાંચી સંભળાવવામાં આવે છે !
***
ખિચડી-થ્રી
હકીકતમાં આ જુની ફિલ્મોનું નવું નામ છે. જુનાં નામો ‘મહાગઠબંધન’ ‘યુપીએ’ વગેરે હતાં.
***
ગુમરાહ – ૧૪૧
કલાકારો : કોંગ્રેસ છોડીને ભાજપમાં જઈ પહોંચેલા દેશભરના માર્ગ ભૂલેલા નેતાઓ !
***
સિર્ફ એક બંદા કાફી હૈ
લેખક, દિગ્દર્શક, ફોટોગ્રાફર, ગીતકાર, સંગીતકાર, પ્રોડ્યુસર, ડિસ્ટ્રીબ્યુટર, અને એક્ઝિબિટર… આ તમામ રોલ એક જ કલાકાર નિભાવે છે. ઉપરથી ફિલ્મ હિટ થવાની ગેરંટી પણ આપે છે ! તમે જાણો છો, એ કોણ છે !
***
- મન્નુ શેખચલ્લી
Comments
Post a Comment