આજકાલ સોશિયલ મિડીયામાં લોકો પોતાનાં સ્ટેટસમાં જાતજાતનું લખતા હોય છે પણ સાહેબ, એમની રિયાલીટી કંઈ જુદી જ હોય છે ! જુઓ…
***
એક ભાઈ…
રોજ શાકવાળા જોડે ધાણા-ફૂદીના માટે રકઝક કરતા હોય છે. પણ…
એમના સ્ટેટસમાં લખ્યું છે…
શેર કભી ઘાસ નહીં ખાતા !
***
એક છોકરો…
દર વરસે ત્રણ સબ્જેક્ટમાં નાપાસ થાય છે. પણ…
એના સ્ટેટસમાં લખે છે…
Ask me ANYTHING !
***
એક સજ્જન…
એમનું નામ રામક્રીષનનુ ઉન્નિક્રિષ્નન્ ગુંડુરાવ યેદિયુરાપ્પન ત્રિચુરાવલ્લી શ્રીરંગમસંતનમ ઐયર છે.
સ્ટેટસમાં લખે છે…
Keep your messages short !
***
એક ભાઈ…
એમનું સ્કુટર ગઈકાલે જ બેન્કવાળા જપ્ત કરીને લઈ ગયા કેમકે હપ્તા નહોતા ભર્યા.
એમનું સ્ટેટસ…
પૈસો તો હાથનો મેલ છે.
***
એક ટ્રોલ ટપોરી…
સવારથી સાંજ લગી સોશિયલ મિડીયામાં ગમે તેની પાછળ પડીને બેફામ ગાળાગાળી કરે છે. પણ…
સ્ટેટસ છે…
મનની શાંતિ એ જ વિશ્વશાંતિ !
***
એક છોકરો…
રાત્રે બે વાગ્યા પહેલાં કદી ઉંઘતો નથી અને સવારે બાર વાગ્યા પહેલાં ઉઠતો નથી.
એણે સ્ટેટસમાં લખ્યું છે…
વો સુબહા કભી તો આયેગી !
***
એક વડીલ…
પોતાની પુત્રવધુની કચકચથી ત્રાસીની આખો દહાડો મંદિરના ઓટલે જ બેઠા હોય છે.
એમનું સ્ટેટસ…
દુનિયા ઝુકતી હૈ, ઝુકાનેવાલા ચાહિયે !
***
- મન્નુ શેખચલ્લી
Comments
Post a Comment