અમુક જુની કહેવતો આપણને એટલી બધી જીભે ચડી ગઈ છે કે એમાં કંઈ બીજું દેખાતું જ નથી હોતું. પરંતુ અમારી અવળચંડી ખોપડીમાં આ કહેવતો અધવચ્ચેથી યુ-ટર્ન મારી જાય છે ! જુઓ. નમૂના...
***
ખાડો ખોદે તે…
મ્યુનિસિપાલીટીવાળા હોય !
***
બોલે તેના…
વડે બોર થવાય !
***
આપ ભલા…
તો ભાજપ બૂરા !
***
જ્ઞાની સે જ્ઞાની મિલે…
તો ક્યા ઉખાડ લેંગે, યાર ?
***
પહલે ઇસ્તમાલ કરેં..
બાદ મેં ધોખા દેં !
***
ચોર કી દાઢી મેં…
શેમ્પુ કરને સે ક્યા ફાયદા ?
***
રાઈના ભાવ રાતે…
શેરબજારમાં ના વધે !
***
મા તે મા, બીજા બધા…
બાપનાં લફરાં !
***
જ્યાં ન પહોંચે રવિ…
ત્યાં પહોંચે સોમ, મંગળ, બુધ…!
***
મગનું નામ મરી…
પાડો તો ફરીથી આધારકાર્ડ બનાવવું પડે !
***
શેઠની શીખામણ
એમબીએના કોર્સમાં ના હોય !
***
દિકરી ને ગાય દોરે…
તે ડ્રોઇંગ ટિચર કહેવાય !
***
બે પાડા લડે એમાં…
ભેંશ જરૂર બ્યુટિફૂલ હશે !
***
ભસતાં કૂતરાં કરડે નહીં…
એની ચોરને ખબર હોય છે !
***
વિશ્વાસે વહાણ ચાલે…
તો ડિઝલની શી જરૂર છે, ભાઈ ?
***
ન બોલ્યામાં…
નવ મિસ-કોલ થાય !
***
રાજા, વાજા ને વાંદરા…
લોકો મોબાઈલમાં કેવું કેવું જોયા કરે છે ?
***
- મન્નુ શેખચલ્લી
Comments
Post a Comment