દિવાળીની સાફસફાઈની મોસમ આવી પહોંચી છે. તો એના વિશે એકાદ પેરોડી-ગઝલ થઈ જાય ?... ઇર્શાદ !
***
હો ઊંચી હવેલી
કે નાનકડું ઘર,
છે સરખી વ્યથા
માળિયે માળિયે…
***
કરોળિયાનાં જાળાં
ચકલીઓનાં માળા
ગરોળીઓનાં ઇંડાં
કે બદમાશ વંદા…
છે એ જ જીવસૃષ્ટિ
માળિયે માળિયે…
***
હો પતિ માળિયે
કે ઘરનોકર ગયો,
ફરક છે ગણો
માળિયે માળિયે…
ઠપકો પતિને, ને
મસકો નોકરને
છે ક્યાં જ તુલના ?
માળિયે માળિયે…
***
ખૂણે ખાંચરેથી
ઝાપટી-ઝૂપટીને
આ સંસાર-ચક્રો
ફરી ત્યાં જ મૂકો
છે વ્યવસ્થા પ્રભુની
માળિયે માળિયે…
***
કોઈ પ્યાલો કે બરણી
કંઈ ડોયો કે ગળણી
કોઈ ખીંટી, વળગણી,
કંઈ દોરી સરકણી
આવે છે મળવા
યાદો પુરાણી..
રિપીટ કરે છે
જુની કહાણી…
છે એ જ ‘રિ-મિક્સ’
માળિયે માળિયે…
***
વરસે ખૂલે છે
તે વરસ બંધ રહેશે
ને વર્ષાભિનંદનમાં
અકબંધ રહે છે
આ મૂંગા કમાડો
માળિયે માળિયે…
***
- મન્નુ શેખચલ્લી
Comments
Post a Comment