પેટ્રોલના ભાવ આસમાને જઈ રહ્યા છે ત્યારે આપણે જાત-જાતની જોક્સ ફોરવર્ડ કરીને હસી લઇએ છીએ પરંતુ જ્યારે ખરેખર પેટ્રોલ-ડિઝલના ભાવ લોકોને મોંઘા પડવા લાગશે ત્યારે શું ?
***
જો રસ્તા ઉપર વાહનો કરતાં ચાલનારાની સંખ્યા વધારે દેખાય…
- તો સમજવું કે પેટ્રોલ ખરેખર મોંઘું છે.
***
જો કોઈને લિફ્ટ આપવી એ ‘દયા-ધર્મ’નું કામ ગણાતું થઈ જાય…
- તો માનવું કે પેટ્રોલ ખરેખર મોંઘું છે.
***
જો સરકાર ચૂંટણી જીવતા માટે સ્કુટર ઉપર ચાર સવારી અને રીક્ષામાં આઠ સવારી ‘ઓફિશીયલ’ કરી નાંખે…
- તો માનવું કે પેટ્રોલ ખરેખર મોંઘું છે.
***
જો ચૂંટણીની આગલી રાત્રે શહેરના પોશ વિસ્તારમાં ઘેર ઘેર ફરીને પાંચ પાંચ લિટર પેટ્રોલ (દારૂની જેમ) વહેંચાતુ થઈ જાય…
- તો માનવું કે પેટ્રોલ ખરેખર મોંઘું છે.
***
જો આંદોલનજીવીઓ વિરોધ કરવા માટે પૂતળાં તો લાવે પણ તેને સળગાવે જ નહીં…
- તો માનવું કે…
***
જો ATMમાંથી રૂપિયા ચોરી લેતી ગેંગ પેટ્રોલ પંપ તોડીને પેટ્રોલ ચોરતી થઈ જાય….
- તો માનવું કે…
***
અરે, પેટ્રોલ વડે ચાલતાં સિગારેટ લાઈટરો વાપરવાને બદલે ફિલ્મી હીરો-હીરોઇનો જ્યારે ખુલેઆમ પાર્ટીઓમાં પણ માચીસ અને દિવાસળી વડે સિગારેટ સળગાવતાં દેખાય…
- તો ખરેખર માનવું કે…
***
...અને વિરોધપક્ષના નેતા નહીં, પણ સરકારના મિનિસ્ટરો જ્યારે ‘બચત’ કરવા માટે બળદગાડામાં બેસીને સચિવાલયમાં આવી રહ્યા હોય તેવા ફોટા પડાવવા લાગે…
- તો જ માનવું કે પેટ્રોલ-ડિઝલ હવે ખરેખર મોંઘું થઈ ગયું છે !
***
બાકી, નીતા અંબાણી શાક લેવા માટે સાઈકલ લઈને નીકળ્યા હોય...
એવા ફોટા કદી જોવા નહીં મળે ! શું કહો છો…
***
- મન્નુ શેખચલ્લી
Comments
Post a Comment