ન્યુઝ
તોફાનોની ઉશ્કેરણી કરવા બદલ પ્રેસિડેન્ટ ટ્રમ્પના ટ્વીટર એકાઉન્ટ ઉપર પ્રતિબંધ મુકાયો.
ભજીયું
સસ્તામાં પત્યું ! અહીં જરીક તોફાન થાય એમાં તો આખા રાજ્યના નેટ ઉપર બાન મુકાઈ જાય છે !
***
ન્યુઝ
એશા દેઉલનો ઇન્સ્ટાગ્રામ એકાઉન્ટ હેક થઈ ગયો.
ભજીયું
ઓહો ! એ બહાને લોકોને યાદ તો આવ્યું કે એશા નામની કોઈ હિરોઇન પણ હતી !
***
ન્યુઝ
ઓસ્ટ્રેલિયાના પ્રેક્ષકોએ ભારતીય ક્રિકેટરો ઉપર વંશીય ટીકા કરતી બૂમો પાડી.
ભજીયું
એ તો સારું છે કે ઓસ્ટ્રેલિયાવાળા આપણી વેબસિરિઝો નથી જોતા. નહિતર કેવી કેવી ચોપડાવી હોત ?
***
ન્યુઝ
પાકિસ્તાનમાં લાઈટો જવાથી ડર ફેલાયો કે ભારત હૂમલો કરશે.
ભજીયું
આમાં પણ અમુક લોકોને ‘માસ્ટર-સ્ટ્રોક’ દેખાયો હશે !
***
ન્યુઝ
અમદાવાદમાં પતંગ ખરીદવા માટે ભીડ ઉમટી. દુકાનોમાં સ્ટોક ખલાસ.
ભજીયું
બોલો, પતંગ બજારમં ભીડ કરી શકાય પરંતુ ધાબા ઉપર ફ્રેન્ડ્ઝને ય ના બોલાવાય ! એવું કેવું ?
***
ન્યુઝ
ગુજરાતમાં શાળાઓ અને કોલેજો ખુલી રહી છે.
ભજીયું
આ હિંમત કરવાની પ્રેરણા ભાજપના પ્રમુખે જ આપી કહેવાય ને !
***
ન્યુઝ
વોટ્સએપની ચેટ હવે ફેસબુક અને ઇન્સ્ટા પણ શેર કરી શકશે.
ભજીયું
‘મેરા મુન્નુ’ ‘મેરા જાનું’ ‘લવ યુ’ ‘મિસ યુ’… આવું બધું વાંચીને એ કંપનીઓને શી ખબર, શું મઝા પડતી હશે ?
***
- મન્નુ શેખચલ્લી
Comments
Post a Comment