પહેલાં...
નિશાળમાં જે ઠોઠ છોકરો હોય એને જ ટ્યૂશન આપવું પડતું હતું.
આજે...
ઠોઠ છોકરાને ટ્યૂશન ક્લાસમાં એડમિશન પણ મળતું નથી !
***
પહેલાં...
આપણે ઘરમાં ગુજરાતી થાળી ખાતા હતા અને પિત્ઝા ખાવા બહાર જતા હતા.
આજે...
ગુજરાતી થાળી ખાવા માટે બહાર જઈએ છીએ અને પિત્ઝા ફોન કરીને ઘરે મંગાવીએ છીએ !
***
પહેલાં...
સોસાયટીના કોમન-પ્લોટમાં ક્રિકેટ બાબતે છોકરાંઓ લડી પડતા હતા.
આજે...
કોમન-પ્લોટમાં પાર્કિંગ બાબતે મોટાઓ લડી પડે છે !
***
પહેલાં...
કંઈપણ ખાતાં પહેલાં વિચારતા હતા કે ભૂખ કેટલી છે ?
આજે...
કંઈપણ ખાતા પહેલાં પૂછે છે, કેલેરી કેટલી છે ?
***
પહેલાં...
વડીલો આવતીકાલનો વિચાર કરતા હતા.
આજે...
વડીલો ગઈકાલના જ વિચારોમાં મશગૂલ છે !
***
પહેલાં...
હીરો-હિરોઈનનું શૂટીંગ ચાલતું હોય તો લોકોનાં ટોળાં જોવા માટે ભેગા થઈ જતાં હતાં.
આજે...
આજે તો ફાલતૂ કપલ્સના પણ પ્રિ-વેડિંગ શૂટિંગો થાય છે ! એમને કોઈ જોવા નથી આવતું છતાં કપલો શહેરથી દૂર દૂર જઈને શૂટિંગ કરાવે છે !
***
પહેલાં...
ઋષિ-મુનિઓ સમજાવતા કે મા-બાપનું શું મહત્વ છે.
આજે...
મા-બાપો પોતે જ એવા મેસેજો મુક્યા કરે છે !
***
પહેલાં...
રોગચાળો આપણા દેશમાંથી જ ફેલાતો હતો.
આજે....
આજે તો તીડ પાકિસ્તાનથી અને વાયરસ ચીનથી આવે છે !
***
- મન્નુ શેખચલ્લી
Comments
Post a Comment