CWCની મિટિંગ તો ‘કોંગ્રેસ વર્શીપ કમિટી’ની મિટિંગ બની ગઈ !
બધા ભેગા થયા હતા હારનાં કારણોની ચર્ચા કરવા માટે, પણ છેવટે હારના સરદારને જ ફરી ભગવાન બનાવીને તેનાં જ ગુણગાન ગાવા લાગ્યાં !
એવું લાગતું હતું કે જાણે CWCની મિટિંગમાં કોઈ ભજનમાલા ચાલી રહી હતી....
***
શરૂઆતમાં તો પોતાની કારમી હાર બદલ દુનિયાભરનાં દુઃખડાં ગાવાનાં શરૂ કર્યાં :
દેખ તેરે સંસાર કી હાલત
ક્યા હો ગઈ ભગવાન
કિતના બદલ ગયા મતદાર ?
***
એ પછી જે ગઠબંધનો ના કર્યાં તેના નુકસાનની તો વાત જ ના કરી, ઉપરથી સાથીઓનું રડ્યા :
“સુખ કે સબ સાથી...
દુઃખ મેં ના કોઈ!”
***
ત્યાર બાદ સૌ પોતપોતાની વફાદારીઓ સાબિત કરતાં ગાણાં ગાવા માંડ્યા :
“એ માલિક તેરે બંદે હમ
ઐસે હો હમારે કરમ...”
***
પછી તો રીતસરની ભક્તિ જ શરૂ થઈ :
“તુમ્હી મેરે મંદિર
તુમ્હી મેરી પૂજા
તુમ્હી દેવતા હો
તુમ્હી દેવતા હો !”
***
રાહુલ ગાંધીના ‘નેતૃત્વ’માં સૌએ ‘વિશ્વાસ’ વ્યક્ત કર્યો અને ભવિષ્યમાં શું પગલાં લેવાં તેના ‘અધિકાર’ પણ સોંપી દીધા :
“તુમ ગગન કે ચંદ્રમા હો
મૈં ધરા કી ધૂલ હૂં...”
***
ભલભલા સિનિયર કોંગ્રેસી નેતાઓએ હાલમાં જ ‘મેચ્યોર’ થયેલા તેમના પ્રમુખ સામે શીશ ઝુકાવ્યાં :
“ઓ પાલનહારે, ઓ નિર્ગુણ ન્યારે
તોરે બિના હમરા કૌનો નાહિ !”
***
હા, વચ્ચે જ્યારે રાહુલ ગાંધીએ રાજીનામું આપવાની વાત કરી ત્યારે અચાનક ભજન છોડીને બધા લોકગીત ગાવા લાગ્યા હતા :
“મત જઈયો નૌકરીયા છોડ કે
તોરે પૈંયા પડું, બલમા...”
***
- મન્નુ શેખચલ્લી
Comments
Post a Comment