2019ની લોકસભાની ચૂંટણીને હજી વાર છે છતાં ‘ચોકીદાર’ ‘ચોર’ ‘રાજ પરિવાર’ અને ‘ડુક્કર’ જેવા જુમલાઓની સામસામી બેતબાજી શરૂ થઈ ગઈ છે !
આવા સમયે અમુક વિદેશી કહેવતો જાણે એની મેળે આ વાતાવરણમાં બંધબેસતી લાગે છે !
***
ચીની કહેવત
એકલા ખૂંખાર વાઘનો શિકાર કરવા માટે બહાદુર રાજાઓ એકલા શા માટે નથી નીકળતા ?
***
અરબી કહેવત
ચોરનાં કાંડાં કપાતાં જોઈને અનેક ચોરો પોતાનો ધંધો બદલી નાંખે છે.
***
ઈજિપ્તની કહેવત
બાર વરસે ન્યાય મળે, તે સાંઠ વરસે કન્યા મળવા બરોબર છે.
***
અફઘાનિસ્તાનની કહેવત
ઘેટાંનાં ઝૂંડને રસ્તો બતાડવા માટે કોઈ ઘેટું ન ચાલે. ત્યાં તો ભરવાડ જ જોઈએ.
***
આઈરીશ કહેવત
તમે એક આંગળી કોઈની સામે ચીંધો છો ત્યારે બાકીની ત્રણ આંગળી તમારી પોતાની સામે ચીંધાતી હોય છે.
***
આફ્રિકન કહેવત
ગરીબોનું ભલુ કરનારા કદી પોતે ગરીબ કેમ નથી હોતા ?
***
બ્રાઝિલની કહેવત
લાશ ચૂંથનારાં ગીધડાંઓ માત્ર જમતી વખતે એકઠાં થાય છે. જમી લીધા પછી સૌ પોતપોતાની દિશામાં ઊડી જવાનાં.
***
જર્મન કહેવત
એકનું એક જુઠાણું સો વાર કહેવાથી તે સત્ય બની જાય છે.
***
ઉઝબેકીસ્તાનની કહેવત
ટોળકીઓ માત્ર ચોરોની જ હોય છે. ઈમાનદારો હંમેશા છૂટાછવાયા હોય છે.
***
ગ્રીક કહેવત
મોટો યોધ્ધા તેને કહેવાય જેના દુશ્મનોની સંખ્યા મોટી હોય.
***
- મન્નુ શેખચલ્લી
Comments
Post a Comment