જીવનના ત્રણ તબક્કા હોય છે : બાળપણ, જવાની અને ઘડપણ… ડોક્ટર દવા પણ ત્રણ ટાઈમની લખી આપે છે : સવાર, બપોર અને સાંજ… અને ક્રિકેટમાં સ્ટંપ પણ ત્રણ હોય છે : ઓફ, મિડલ અને લેગ !
હવે વધુ જ્ઞાન ડહોળવાને બદલે અહીં આપેલું ‘ત્રિ-જ્ઞાન’ ગાંઠે બાંધી રાખજો !
***
ત્રણ લોકોની વાત પર કદી વિશ્વાસ કરવો નહીં…
- વોટ માંગવા આવતો નેતા
- ફેસબુકમાં આવતી ફ્રેન્ડ રિક્વેસ્ટ
- અને શેમ્પુની એડમાં આવતી હિરોઈન !
***
ત્રણ લોકોથી બને એટલા દૂર રહેવું…
- રોડ ઉપરનો ટ્રાફિક પોલીસ
- લગ્ન પહેલાંની ગર્લફ્રેન્ડ
- અને રૂપિયા પાછા માગનાર મિત્ર !
***
ત્રણ વસ્તુઓનું કદી અભિમાન ન કરવું…
- મેકપ વડે બનેલો સુંદર ફેસ
- તેજીમા દળદાર બનેલો પોર્ટફોલિયો
- અને કોપી-પેસ્ટ કરેલી પોસ્ટ ઉપર મળતી લાઈક્સ !
***
ત્રણ ચીજો કદી પાછી નથી આવતી.
- ૩૫ પછી ગયેલી જવાની
- ટાઈમસર ઉપડી ગયેલી ટ્રેન
- અને બહાર આવી ગયેલી ફાંદ !
***
આ ત્રણની અડફેટમાં ન આવવું…..
- રસ્તા ઉપર દોડી રહેલી ગાય
- સ્કૂટી શીખી રહેલી યુવતી
- અને કામવાળી ઉપર ચીડાયેલી પત્ની !
***
ત્રણ ચીજો હંમેશા છુપાવીને રાખવી…
- ઉંમર
- આવક
- અને લફરું !
***
ત્રણને કદી સુધારી શકાતાં નથી…
- ફાટી ગયેલું દૂધ
- બગડી ગયેલી કેરી
- અને પત્નીનો સ્વભાવ !
***
ત્રણ વાતોનો કદી ભરોસો ના થાય…
- ઇન્સ્ટાગ્રામનો લવ
- વોટ્સએપનું જ્ઞાન
- અને ફેસબુકના ગુજરાતી ફિલ્મોના રિવ્યુ !
***
બાકી આ ત્રણ ચીજો સમયસર આવે તો જ કામની…
- સવારનું છાપું
- નળમાં પાણી
- અને જુવાનીમાં પૈસો !
***
- મન્નુ શેખચલ્લી
જોરદાર
ReplyDelete