વરસોથી જે કહેવતો આપણે સાંભળતા આવ્યા છીએ એ જ જુની કહેવતોને વચ્ચેથી સ્હેજ વળાંક આપીને બીજે પાટે ચડાવી દઈએ તો ?
તો તમને ખ્યાલ આવશે કે આ ‘ટ્વિસ્ટ’માં પણ દમ છે ! જુઓ…
***
ખાડો ખોદે તે…
મ્યુનિસિપાલિટીજ હોય !
***
બોલે તેના…
વડે બહુ બોર થવાય !
***
આપ ભલા…
તો સામનેવાલા બૂરા !
***
જ્ઞાની સે જ્ઞાની મિલે…
તો ક્યા ઉખાડ લેંગે ?
***
ચોર કી દાઢી મેં…
શેમ્પુ કરને સે ક્યા ફાયદા ?
***
રાઈના ભાવ રાતે…
શેરબજારમાં ના વધે, બોસ !
***
મા તે મા, બીજા બધાં..
બાપના લફરાં !
***
જ્યાં ન પહોંચે રવિ..
ત્યાં પહોંચે સોમ, મંગળ, બુધ !
***
મગનું નામ મરી…
પાડો તો નવું આધારકાર્ડ બનાવવું પડે !
***
શેઠની શીખામણ…
મેનેજમેન્ટના કોર્સમાં ના હોય !
***
બે પાડા લડે, એમાં…
ભેંશ જરૂર બ્યુટિફૂલ હશે !
***
ભસતાં કૂતરાં કરડે નહીં…
એની ચોરને ખબર હોય છે !
***
વિશ્વાસે વહાણ ચાલે…
તો ડિઝલની શી જરૂર છે ?
***
ન બોલ્યામાં..
નવ મિસ-કોલ થઈ જાય !
***
દિકરીને ગાય…
દોરી બતાડે તેને ડ્રોઈંગ ટીચર કહેવાય.
***
પૈની પેદાશ નહીં, ને…
મોબાઈલમાંથી નવરાશ નહીં !
***
ફરે તે ચરે…
અથવા ‘ઝોમેટો’ની ડિલીવરી કરે !
***
આગ લાગે ત્યારે…
વિડીયો જરૂર લેજો ! ઓકે ?
***
- મન્નુ શેખચલ્લી
Comments
Post a Comment