હિન્દી ફિલ્મોનાં ગાયનો તો ખજાનો છે. એમાં અમુક ગાયનોને સામસામે રાખીને સાંભળો તો જોરદાર સિચ્યુએશનો બનતી દેખાશે ! દાખલા તરીકે…
***
એક મિત્ર ગાઈ રહ્યો છે :
‘દોસ્ત દોસ્ત ના રહા, પ્યાર પ્યાર ના રહા, જિંદગી હમેં તેરા એતબાર ના રહા…’
એનું કારણ શું છે ?
‘આજ મેરે યાર કી શાદી હૈ…’ એનો જ દોસ્ત એનાવાળી છોકરીને પરણી રહ્યો છે !
***
એક છોકરી આખી ભીડને રિક્વેસ્ટ કરી રહી છે :
‘કોઈ પથ્થર સે ના મારે, મેરે દિવાને કો…’
કેમ ? કેમકે થોડી જ વાર પહેલાં એ અને એનો પ્રેમી ગાતા હતા :
‘હમ દો પ્રેમી છત કે ઉપર, ગલી ગલી મેં શોર ! એ આરારારા…’ (પછી પથરા જ પડે ને !)
***
એક ઘરની બારીમાંથી એક સુંદર સ્ત્રી ગાઈ રહી છે.
‘શામ ઢલે ખિડકી તમે, તુમ સીટી બજાના છોડ દો…’
કેમ ? તો કારણ સિમ્પલ છે :
‘ઘર આયા મેરા પરદેસી, પ્યાસ બુઝી મેરી અખિયન કી….’ (એનો ધણી વિદેશથી પાછો આવી ગયો છે !)
***
એક ભાઈ ઉદાસ થઈને એક બાંકડે બેસીને માથું પકડીને ગાઈ રહ્યા છે :
‘મેરે તૂટે હુએ દિલ સે, કોઈ તો આજ યે પૂછે… કે તેરા હાલ ક્યા હૈ ..'
આવતા જતા લોકોમાંથી કોઈએ બિચારાને પૂછી લીધું કે ભાઈ આવું શી રીતે થયું ? તો જવાબ મળે છે “
‘મુઝે મેરી બીવી સે બચાઓ… અકડતી હૈ, બિગડતી હૈ, હમેશા મુજ સે લડતી હૈ !’
***
અંધારી ગલીની ગંદી નાલી બાજુથી કોઈનો અવાજ આવી રહ્યો છે :
‘અંધેરે મેં જો બૈઠે હૈ, નજર ઉન પર ભી કુછ ડાલો, અરે ઓ રૌશનીવાલો…’
એ જુવાનિયા ઉપર ટોર્ચ વડે રોશની નાંખવાથી કારણ મળે છે :
‘મૈં ને પીના સીખ લિયા…!’
***
એક ઘરમાંથી પતિનો અવાજ સંભળાઈ રહ્યો છે :
‘જો તુમ કો હો પસંદ વો હી બાત કરેંગે…’
કેમકે ગઈકાલે એ જ પતિ બાલ્કનીમાં ઊભા રહીને ગાયન ગાતાં ઝડપાઈ ગયા હતા કે :
‘મેરે સામનેવાલી ખિડકી મેં, એક ચાંદ કા ટુકડા રહેતા હૈ !’
***
- મન્નુ શેખચલ્લી
Comments
Post a Comment