૧૫મી ઓગસ્ટે દેશનો ૭૭મો આઝાદી દિવસ ગયો. પરંતુ આપણી અમુક નાની નાની અને ‘અસલી’ આઝાદીઓ તો આખા વરસમાં ગમે ત્યારે આવતી હોય છે. જેમ કે…
***
યાદ છે ? નાના હતા ત્યારે સ્કુલમાં શિક્ષક ના આવ્યા હોય ત્યારે અચાનક ‘ફ્રી પિરીયડ’ મળી જતો હતો ? એ હતી અસલી આઝાદી !
***
આજે પણ એવી આઝાદીની ફીલિંગ મળે છે, જ્યારે આપણો મોગેમ્બો જેવો બોસ અચાનક બિમાર પડી જાય અને ઓફિસે ના આવી શકે !
***
પરણેલા પુરુષોને પૂછી જોજો, પત્ની જ્યારે પિયર જાય છે ત્યારે, ‘અસલી’ આઝાદીવાળી ફીલિંગ આવે છે ને ?
***
એમ તો ચિલ્લ એસવાળી લકઝરી બસ સળંગ ચાર કલાક હાઈવે પર ચાલ્યા પછી જ્યારે કોઈ રેસ્ટોરન્ટ પાસે ઊભી રહે ત્યારે નીચે ઉતરીને આપણે જે સીધા ‘રેસ્ટ રૂમ’ તરફ દોટ મુકીએ છીએ, એ પછી જે આઝાદીની ફીલિંગ આવે છે…
આહાહા !
***
અને ત્રણ ત્રણ દિવસની કબજિયાત પછી જ્યારે… (એને જ કહેવાય સાચી ‘મુક્તિ’!)
***
મહિલાઓ ભલે કબૂલ ના કરે, પણ મેરેજ ફંકશન માટે જે તસતસતાં ટાઈટ અને ચળકતાં કપડાં પહેરી રાખ્યાં હોય છે, તે ઘરે આવીને બદલ્યા પછી ‘ફ્રીડમ’વાળી ફીલિંગ આવે છે કે નહીં ? સાચું બોલજો.
***
સેઇમ ટાઈપની ‘ફ્રીડમ’વાળી ફીલિંગ સ્ક્રીન ટાઇટ જિન્સ ઉતાર્યા પછી છોકરાઓને થાય છે !
(એ હિસાબે સાઉથમાં લુંગી પહેરનારા તો ‘ફ્રીડમ ફાઈટર્સ’ કહેવાય, નહીં ?)
***
એ જ રીતે જે લોકોને ૧૫મી ઓગસ્ટે લાલ કિલ્લા આગળ ફરજિયાતપણ હાજર રહીને મોદી સાહેબનું ૧ કલાક ૩૯ મિનિટનું ભાષણ સાંભળવું પડ્યું હોય…
- એ લોકો પણ ‘ફ્રીડમ ફાઈટર્સ’ કહેવાય ! બોલો.
***
- મન્નુ શેખચલ્લી
Comments
Post a Comment