કહેવતોની બંધબેસતી પાઘડી!

જૂની કહેવતોની એક મજા જ એ છે કે જુદા જુદા સમય એક જ કહેવત જુદા જુદા લોકો અને જુદા જુદા માણસો ઉપર ફીટ થઈ જાય છે ! આજકાલની પરિસ્થિતિમાં જે બંધબેસતી પાઘડીઓ જેવી કહેવતો છે એની એક ઝલક…

*** 

ઘર કી મુર્ગી દાલ બરાબર

ટિકીટ ના મળી હોય એવા ગુજરાત ભાજપના નેતાઓ...

*** 

દ્રાક્ષ ખાટી છે

પક્ષમાં વફાદારી બતાવ્યા છતાં કદર ના થતી હોય એવા નેતાઓના બળાપા...

*** 

ઘર ફૂટે ઘર જાય

કોંગ્રેસ છોડી છોડીને જઈ રહેલા નેતાઓ..્્

*** 

બગલમાં છોરું ને ગામમાં ઢંઢેરો

કાળાનાણાંને ડામવા માટે કાઢેલાં ઈલેક્ટોરલ બોન્ડની વિગતો.

*** 

મોસાળમાં જમણ અને મા પીરસણે

પરિવારવાદથી પેદા થયેલા નેતાઓ...

*** 

સૌ ચૂહે માર કે બિલ્લી હજ કો ચલી

કોમવાદનું ઝેર ફેલાવવાના સામસામા આક્ષેપો...

*** 

નાચવું નહીં એટલે આંગણું વાંકું

ઉમેદવારી માટે ના પાડનારા નેતાઓનાં બહાનાં...

*** 

અબ આયા ઊંટ પહાડ કે નીચે

ભ્રષ્ટાચાર વિરુદ્ધ અભિયાન શરૂ કરનાર કેજરીવાલ પોતે જ ભ્રષ્ટાચારના આરોપમાં...

*** 

શેઠની શીખામણ ઝાંપા સુધી

અદાલતની ફટકારને ઘોળીને પી જતાં સરકારી તંત્રો...

*** 

ત્રણ સાંધો ત્યાં તેર તૂટે

વિપક્ષના ગઠબંધનની હાલત..

*** 

મારું તે મારું, ને તારું-મારું સહિયારું

સીટ વહેંચણીમાં થઈ રહેલા ડખા...

*** 

બકરું કાઢતાં ઊંટ પેઠું

કોંગ્રેસમુક્ત ગુજરાત કરવા જતાં ભાજપમાં જ બળવાઓ...

*** 

માંહી પડ્યા તે મહાસુખ માણે, દેખણહારા દાઝે

રાજકારણમાં ઘૂસેલાઓ જલસા કરે અને રાજકીય વિશ્ર્લેષકો ટીકા કરતા રહે...

*** 

અક્કરમીનો પડિયો કાણો

છેવટે તો મતદાર જ મુરખ બને !

***

- મન્નુ શેખચલ્લી