સવાલ જરા તીરછી નજરનો છે… જો તમે એક વત્તા એક બરાબર 11નું ગણિત કરી શકતા હો તો મજા પડી જશે !
***
બ્યુટિપાર્લરની બહાર પોસ્ટર હતું..
જુનાં મોડલનું સંતોષકારક રિપેરીંગ કરીને રંગરોગાન વડે બેસ્ટ રિનોવેશન કરી આપવામાં આવશે...
- રંગીલા ફેબ્રિકેશન
***
મેરેજ બ્યુરો આગળ પાટિયું હતું...
માલસામાન જોઈ તપાસીને લેવો. બાદમાં બદલી આપવામાં આવશે નહીં.
***
ઇલેક્ટ્રીસિટી બોર્ડની ઓફિસે સ્ટિકર હતું...
દરેક જાતની મીણબત્તી, ટોર્ચ, સોલાર લેમ્પ તથા જનરેટર તાત્કાલિક હાજર સ્ટોકમાં અવેલેબલ છે ! ઇમરજન્સીમાં ફોન કરો...
***
સ્મશાનની દિવાલ ઉપર પોસ્ટર હતું...
સુપરહિટ રંગીન રહસ્યમય હોરર મુવી...
‘સ્વર્ગ યા નર્ક ?’
- એડવાન્સ બુકિંગ ચાલુ છે !
***
હેર કટિંગ સલુનની દિવાલ ઉપર દેશભક્તિનું સ્લોગન હતું...
અપની આઝાદી કો હમ
હરગિઝ મિટા સકતે નહીં
સર કટા સકતે હૈં લેકિન
સર ઝૂકા સકતે નહીં !
***
જિમની બહાર રખડતું ફરફરિયું હતું...
સ્નાયુઓનો દુઃખાવો, શરીરમાં કળતર, જકડાઈ ગયેલા સાંધા, હાથ-પગ-ગરદનમાં આવી ગયેલો મોચ વગેરેમાં રાહત માટે શ્રેષ્ઠ મલમ..
‘પહેલવાન મલમ’ !
***
નેતાજીના બંગલાની કમ્પાઉન્ડ વૉલ ઉપર પોસ્ટરો હતાં...
‘શ્રી420’
‘મિ. નટવરલાલ’
‘ચોરી મેરા કામ’
'શરાબી’
‘જુઠા કહીં કા’
અને...
‘હમ આપ કે હૈં કૌન ?’
***
અને જાહેર શૌચાલયની દિવાલ ઉપર સ્લોગન હતું...
પહલે ઇસ્તમાલ કરેં, ફિર વિશ્ર્વાસ કરેં !
***
- મન્નુ શેખચલ્લી
Comments
Post a Comment