વરસાદ... એક અવસર !

જુઓ, આ વરસાદ અલગ અલગ લોકો માટે કેવા કેવા અવસર લઈને આવે છે.

*** 

વરસાદ… બાળકો માટે

છબછબિયાંનો અવસર છે.

*** 

ટીન-એજર્સ માટે

પલળવાનો અવસર છે.

*** 

યંગસ્ટર્સ માટે

રોમાન્સનો અવસર છે.

*** 

બ્રેક-અપ થયેલા છોકરા માટે

દારૂ પીવાનો અવસર છે.

*** 

બ્રેક-અપવાળી છોકરી માટે

સ્ટોરીમાં સેડ ગાયનો મુકવાનો અવસર છે.

*** 

પરણેલા પુરુષ માટે

પત્નીનાં હાથનાં ભજિયાં ખાવાનો અવસર…

*** 

પત્ની માટે

પલળીને ઘરે આવેલા પતિને ખખડાવવાનો અવસર !

*** 

અને વાંઢા માટે

વરસાદમાં આસું છૂપાવવાનો અવસર

*** 

કવિ માટે

ગટરમાંથી યે ભીની માટીની સુગંધ શોધવાનો અવસર !

*** 

ડોક્ટરો માટે

સિઝનમાં તેજીનો અવસર !

*** 

દરદીઓ માટે

ઝટપટ વીમો ઉતરાવી લેવાનો અવસર

*** 

મ્યુનિસિપાલીટી માટે

પોતે ખોદેલા ખાડામાંથી ચારેબાજુ કાદવ-કીચ્ચડનાં રાયતાં ફેલાવવાનો અવસર !

*** 

મિડીયા માટે

સરકારી તંત્રોના માથે માછલાં ધોવાનો અવસર

*** 

હવામાન ખાતા માટે

અધ્ધરતાલ આગાહીઓ સાચી પડવાનો અવસર

*** 

અને અંબાલાલ માટે

વધુ ફેમસ થવાનો અવસર !

***

- મન્નુ શેખચલ્લી