નવાં પોલિટિકલ શોર્ટ ફોર્મ !

મોબાઈલમાં તો જાતજાતનાં શોર્ટ-ફોર્મ રમતાં થઈ ગયાં છે… જેમકે : BTW એટલે બાય ધ વે, LOL એટલે લાફિંગ આઉટ લાઉડ, ASAP  એટલે એઝ સુન એઝ પોસિબલ… અરે JSK એટલે જય શ્રી કૃષ્ણ અને JSR એટલે જય શ્રી રામ પણ ચાલી રહ્યું છે !

ફિલ્મોનાં લાંબા લાંબા નામો માટે પણ શોર્ટ-ફોર્મ છે જેમકે… DDLJ દિલવાલે દુલ્હનિયાં લે જાયેંગે, HAKHK હમ આપ કે હૈં કૌન ?

આ હિસાબે નેતાઓ જે છાપેલી ઝેરોક્સો જેવાં નિવેદનો કરે છે એના માટે શોર્ટ ફોર્મ રાખો ને ? દાખલા તરીકે…

*** 

MANKT = મૈંને ઐસા નહીં કહા થા.

*** 

MVMNT = મેરા વો મતલબ નહીં થા

*** 

MNGMN = મિડિયા ને ગલત મતલબ નિકાલા

*** 

SNTIDD = સચ નિકલા તો ઇસ્તિફા દે દૂંગા

*** 

એથી પણ જોરદાર…

SNTFDD = સચ નિકલા તો ફાંસી દે દેના !

*** 

આજકાલ તો આ બહુ કામનું છે…

LKKD = લોકશાહી કા કાલા દિન

*** 

અને આ પણ…

MAKMB = મોદી અદાની કી મિલિ ભગત

*** 

અને આ તો ખરું જ…

JKSDN = જુઠે કેસ સે ડરતા નહીં

*** 

સામેની સાઈડે આ…

P70YRS = પિછલે 70 સાલોં સે…

*** 

અને આ…

GPNDL = ગાંધી પરિવારને દેશ કો લૂંટા…

*** 

(જરા વિચારો, છાપાંઓને કેટલું સહેલું થઈ જાય ? જેમકે મોદીજીએ કહ્યું હતું કે P70YRS… GPNDL… જવાબમાં રાહુલ ગાંધીએ કહ્યું કે JKSDN… MAKMB!!)

*** 

ન્યુઝ ચેનલો માટે પણ સહેલું થઈ જાય ‘સુત્રોં સે પતા ચલા હૈ’ને બદલે કહેવાનું SSPCH !

અને ગુજરાતી ચેનલમાં તો માત્ર TJSC… TJSC… મતલબ કે તમે જોઈ શકો છો… તમે જોઈ શકો છો !

***

- મન્નુ શેખચલ્લી

મન્નુ શેખચલ્લી