વોટસએપમાં રોજ સવાર પડે ને સાત જાતના ‘સફળતાના મંત્રો’ આવી પડે છે ! જોકે અમુક મંત્રો એવા છે કે એમાં થોડો સુધારો કરવાથી વધુ સફળતા મળવાના ચાન્સ છે ! જુઓ…
***
પોતાની કમાણીમાંથી ઓછામાં ઓછો ખર્ચ થાય એવું જીવન જીવો.
(ટુંકમાં, વિધાનસભ્ય અથવા સંસદસભ્ય બની જાવ !)
***
દિવસમાં ઓછામાં ઓછા ત્રણ વ્યક્તિઓની પ્રસંશા કરવાનું રાખો.
(બોસ, પત્ની અને… અરીસો !)
***
તમારી પાછળ ઊભેલી વ્યક્તિને ક્યારેક આગળ જવાનો ચાન્સ આપો.
(ખાસ કરીને શૌચાલયની લાઈનમાં !)
***
શક્ય હોય તો રોજ સવારે ઉગતા સૂર્યને જોવાનું રાખો.
(મતલબ કે પાર્ટીઓ છેક સવાર સુધી ચલાવો !)
***
પારકી પંચાતમાં કદી ના પડો.
(ન્યુઝ-ચેનલો હંમેશા બંધ જ રાખો !)
***
બીજાઓનાં દુઃખ જોઈને દુઃખી થવું અને બીજાંઓનાં સુખ જોઈને સુખી થવું જોઈએ.
(અર્થાત્… રોજ ટીવીમાં આવતી ડેઈલી સિરિયલો જોવાનું રાખો !)
***
પોતાના કામથી કામ રાખો.
(કેમ કે બીજાઓનાં કામો તો નેતાઓ પણ ક્યાં કરે છે ?)
***
બીજાઓનાં સપનાંઓ ઉપર હસો નહીં.
(કેમ કે રાહુલ ગાંધી અને પ્રિયંકા ગાંધી તો એવાં જ રહેવાનાં !)
***
અને સફળ થવા માટે ફક્ત વિચારો કરવાને બદલે કંઈક કરવું જરૂરી છે.
(એટલે બોસ, આગળ વધો.. અને કોઈનું ‘કરી’ જ નાંખો !)
***
- મન્નુ શેખચલ્લી
Comments
Post a Comment