આજે પહેલા તબક્કાનું મતદાન છે. મતદારોનો મિજાજ કળાતો નથી એ વાતે સૌ મુંઝવણમાં ભલે હોય… પણ એમના મનમાં શું સંગીત વાગી રહ્યું છે તેની અમને બરોબર ખબર છે ! જુઓ… સોરી, સાંભળો !
***
બિચારા ભાજપના વફાદાર મતદારો મતદાન કરી આવ્યા પછી ગાતા હશે :
‘વોટ દિયા હૈ, ટેક્સ ભી દેંગે
એ ભાજપ તેરે લિયે…’
***
માત્ર વફાદારી નથી, અમુક મતદારો તો અલગ જ લેવલ ઉપર છે ! તેઓ વોટ આપ્યા પછી ગાતા હશે :
‘ભાજપા, મૈં ને તેરે
પ્યાર મેં ક્યા ક્યા ન કિયા ?
વોટ દિયા દર્દ લિયા…
કભી પુલોં સે ગિરા હું
કભી લઠ્ઠા મેં મરા…
વોટ દિયા દર્દ લિયા !’
***
ઉમેદવારોમાં ડઝનબંધ ગુનેગારો છે, કરોડપતિઓ છે, ભ્રષ્ટાચારીઓ છે… છતાં જનતા વોટ આપ્યા પછી ગાશે :
‘માન મેરા એહસાન
અરે બેઈમાન !
કે મૈને તુજ કો દિયા હૈ વોટ !’
***
જે લોકોને ‘નોટ’ને બદલે ‘વોટ’ આપી રહ્યા છે એ બૂથ ઉપર જતાં પહેલાં ગાતા હશે :
‘વાદા કરનેવાલે ‘નોટ’ દિયે જા
નોટ કે બદલે ‘વોટ’ લિયે જા !’
***
બિચારા અપક્ષોને જે લોકો માત્ર અંગત સંબંધ ખાતર વોટ આપે છે તેમનું ગીત હશે :
‘વોટ દિયા, દેનેવાલે ને તુજ કો
ડિપોઝિટ જો ગંવાયે
તો ક્યા કીજે…?’
***
બાકી તમામ મતદારો એક ગીત તો જરૂર ગાશે કે…
‘યે વાદા કરો, બૂથ કે સામને
ભૂલા તો ના દોગે
મેરે વોટ કો !’
***
- મન્નુ શેખચલ્લી
Comments
Post a Comment