વર્લ્ડ-કપની મેચોમાં જે રીતે પરિણામો આવી રહ્યાં છે એ જોતાં શું તમને લાગે છે કે દાળમાં કંઈક કાળું છે ?
ના ! આખા વર્લ્ડ-કપમાં જ કંઈક કાળું છે ! જુઓ…
***
જે રીતે સાઉથ આફ્રિકા જેવી પ્રોફેશનલ અને ધૂરંધર ટીમ નેધરલેન્ડ જેવી સાવ નવી-સવી શીખાઉ ટીમ સામે હારી ગઈ…
એ જોતાં લાગે છે કે વર્લ્ડ-કપમાં કંઈક કાળું છે !
***
જે રીતે આયરલેન્ડની ઘરઘત્તા રમતી હોય એવી ટીમ સામે ઇંગ્લેન્ડની ટીમ ડફોળની જેમ D/Lની ફોર્મ્યુલા (વરસાદની ચોખ્ખી આગાહી છતાં) ફસાઈ ગઈ…
એ જોતાં લાગે છે કે વર્લ્ડ-કપમાં કંઈક કાળું છે !
***
અરે, જે રીતે ઝિમ્બાબ્વે પાકિસ્તાન સામે છેલ્લી ઓવરમાં ધનાધની કરીને ફક્ત એક જ રને જીતી ગયું (અને પાકિસ્તાનને સેમી-ફાઈનલમાં પહોંચાડવા માટે દ. આફ્રિકા નેધરલેન્ડ સામે હારી ગયું) એ…
શું હતું ? વર્લ્ડ-કપમાં કંઈક કાળું નહોતું ?
***
તમે જુઓ… ઇન્ડિયાએ બાંગ્લાદેશને હરાવ્યું… બાંગ્લાદેશે નેધરલેન્ડને હરાવ્યું… નેધરલેન્ડે ઝિમ્બાબ્વેને હરાવ્યું… ઝિમ્બાબ્વેએ પાકિસ્તાનને હરાવ્યું… પાકિસ્તાનને સાઉથ આફ્રિકાને હરાવ્યું… અને સાઉથ આફ્રિકાએ ઇન્ડિયાને હરાવ્યું !
જબરું મેરી-ગો-રાઉન્ડ ચાલ્યું !
મતલબ કે સાલું, વર્લ્ડ-કપમાં કંઈક તો કાળું છે !
***
કોહલી ઈશારો કરે પછી અંપાયર નો-બોલ આપે, શ્રીલંકાના બેટ્સમેનો LBWનો રિવ્યુ જ ના લે, પાકિસ્તાનનો વિકેટકીપર સ્ટમ્પની આગળ હાથ લાવીને બોલ પકડીને સ્ટમ્પિંગ કરે છતાં આઉટ આપવામાં આવે…
અંપાયરોના આટલા બધા છબરડા એક જ ટુર્નામેન્ટમાં હોય તો તો…
***
અને બાઉન્ડ્રી બહારની પેનલોમાં જો છડેચોક વિદેશી સટ્ટાબાજોની વેબસાઈટોની જાહેરખબરો ચાલી રહી હોય તો…
જરૂર કંઈક કાળું, કાળું, કાળું છે !
***
- મન્નુ શેખચલ્લી
Comments
Post a Comment