હૉટ શાયરીઓનો રસાસ્વાદ !

આવા ઉનાળામાં જે લખાય તે શાયરીઓ ‘હૉટ’ જ હોય ! છતાં મજા ત્યારે આવે જ્યારે તેનો રસાસ્વાદ કરવામાં આવે ! સાંભળજો…

*** 

‘ક્યું ખામોખાં જલાયે દિલ

તેરે મયખાને મેં ?’

કવિ પેલી સાકીને પૂછે છે કે બહેન, તારા મયખાનામાં આવીને ખાલી ખાલી દિલ શા માટે જલાવવાનું ? કેમકે-

‘યહાં જલજલા સા નિકલતા હૈ

મેરે હી ગુલસખાને સે !’

ગુસલખાના એટલે બાથરૂમ ! કવિ કહે છે કે જ્યાં અહીં મારા ઘરના જ બાથરૂમમાંથી લાવારસ જેવું પાણી નીકળે છે, તો ત્યાં આવીને દિલ શા માટે જલાવવાનું ?

*** 

કવિએ પ્રેમિકાને મળવા માટે ક્યાંક બોલાવી હશે પણ એ પોતે જ ના જઈ શક્યા ! શા માટે ? તો સાંભળો…

‘ક્યું પૂછતી હો હમ સે

ક્યું આયા ન ગયા ?

હમારે હી સ્કુટર કી સીટ પે

હમ સે બૈઠા ન ગયા !’

તડકામાં તપી ગયેલી સીટો ભલભલી એપોઈન્ટમેન્ટો કેન્સલ કરાવી શકે છે ! રાઈટ ?

*** 

કવિ બિચારા વગર એસીના ભાડાના ઘરમાં બેઠા બેઠા બફાઈ રહ્યા છે ! ઉપરથી એ ઇર્ષ્યા કોની કરી રહ્યા છે ? જરા જુઓ તો ખરા !

‘કિતને ખુશનસીબ હૈં

યે તૂટે દિલ વાલે,

ઇસ ગર્મ મૌસમ મેં ભી

ઠંડી આહ ભર લેતે હૈં !’

***

 

એવો જ એક સીન લગ્ન સિઝનનો છે. જાન માંડવે પહોંચે છે ત્યારે એમની ઉપર અત્તરનો છંટકાવ થઈ રહ્યો છે… એ વખતે કવિ કહે છે :

યે ઐબ કબ તક છૂપેગી

પરફ્યુમ કે લગાને સે ?

સારે બારાતી આયે હૈં

પસીને મેં નહા કે !

***

 - મન્નુ શેખચલ્લી