આઈપીએલમાં સળંગ આઠમી મેચ હાર્યા પછી મુંબઈ ઇન્ડિયન્સની ટીમ મજાકનું કેન્દ્ર બની ગઈ છે ! જુઓ…
***
મુંબઇ ઇન્ડિયન્સની ટીમ પહેલા નંબરે જ છે : બસ પોઇન્ટ –ટેબલને જરા ઊંધું પકડીને જુઓ.
***
આ વખતે મુંબઈ ઇન્ડિયન્સ ‘રેકોર્ડ’ કરવા માગે છે…
સિવાય કે ક્યાંક મેચમાં વરસાદ પડે અને એકાદ પોઇન્ટ લઈ લેવો પડે !
***
મુંબઇ ઇન્ડિયન્સના કોચ, મેન્ટેર, મેનેજર, કેપ્ટન, વાઇસ કેપ્ટન, બેટર, બોલર અને ફિલ્ડર્સ… બધાએ ત્રણ કલાક સુધી ચર્ચા કરીને આખરી શોધી કાઢ્યું છે કે મુંબઈની ટીમ ‘ક્યાં માર ખાય છે ?’
- મેદાન ઉપર !
***
દરમ્યાનમાં રાહુલ ગાંધીએ રોહિત શર્માને મેસેજ કરીને કહ્યું છે :
‘ગુડ બિગિનિંગ… પણ મારા રેકોર્ડ સુધી પહોંચતાં તને ઘણી વાર લાગશે !’
***
બીજી તરફ એવી વાતો સંભળાઈ રહી છે કે મુંબઇ ઇન્ડિયન્સની રણનિતિ નક્કી કરવા માટે હવે…
- પ્રશાંત કિશોરને બોલાવવામાં આવશે !
***
જોકે પ્રશાંત કિશોરે કહ્યું છે કે ‘એક કોંગ્રેસની જફા ઓછી છે કે હું મુંબઇ ઇન્ડિયન્સની માથાકૂટમાં પડું ?’
***
પેલી બાજુ નીતાભાભી (નીતા અંબાણી) બિચારાં કફોડી સ્થિતિમાં મુકાઈ રહ્યાં છે.. દર વખતે એમનાં ઓળખીતાં પાળખીતાં મેચના પાસ માગીને લઈ જાય છે… અને…
… મુંબઈની ટીમને ચિયર કરવાને બદલે સામેવાળી ટીમ માટે તાળીઓ વગાડે છે !
***
છેવટે મુકેશભાઈએ અમિત શાહની સલાહ લીધી ! અમિત શાહે કહ્યું :
‘તમે ગુજરાતવાળી કરો ! આખી ટીમ જ બદલી નાંખો !’
***
- મન્નુ શેખચલ્લી
Comments
Post a Comment