જો ઉત્તરાયણમાં સાવ બંધ થઈ ગયેલો પવન પત્ની, ગર્લફ્રેન્ડ કે બોસની જેમ બોલી શકતો હોય તો ?...
***
ગર્લફ્રેન્ડ જેવો પવન
શાંતિ રાખ ને બકા, આવું છું ! મને જરા તૈયાર તો થવા દે ?
પત્ની જેવો પવન
તમારે તો બસ ધાબે ચડી જવું છે ! પછી આ ઉંધિયું, તલપાપડી અને ખિચું કોણ બનાવશે ? શાંતિ રાખો ! આવું છું !
બોસ જેવો પવન
સારી હવા હોય તો તો બધા ચગાવે ! હવા વિના પતંગ ચગાવતા શીખો ! અને ભૂલતા નહીં, સાંજ સુધીમાં ટાર્ગેટ પુરો કરવાનો છે !
***
ગર્લફ્રેન્ડ જેવો પવન
આવું તો ખરી, પણ મને ગિફ્ટ શું આપીશ ? અને તારી ફિરકી હું નથી પકડવાની, હા !
પત્ની જેવો પવન
આમ વારંવાર પાછળના ધાબે કઈ સગલી માટે ફાંફા મારો છો ? હું એ બાજુથી નથી આવવાની !
બોસ જેવો પવન
આ બધાં સ્પીકરોનો શું ઘોંઘાટ માંડ્યો છે ? વર્ક-ફ્રોમ-હોમની છૂટ આપી એટલે ચગી જવાનું ?
***
ગર્લફ્રેન્ડ જેવો પવન
ફેસબુક પર પોસ્ટ મુકીને આવું છું, ઇન્સ્ટામાં રીલ અપ-લોડ કરીને આવું છું, વોટ્સએપના મેસેજો ચેક કરીને આવું છું… જાનું, તું ઓફલાઇન ના જતો, બસ, હમણાં જ આવું છું !
પત્ની જેવો પવન
આ શેતરંજી પાથરો, પેપરની ડીશો ઊડી જાય છે. એ સરખી ગોઠવો, ઉંધિયાનું તપેલું નીચેથી લેતા આવો… ધાબા ઉપર ખાલી પતંગ ચગાવવા નથી આવ્યા, તમે !
બોસ જેવો પવન
ઠીક છે. ઉત્તરાયણને બદલે વાસી ઉત્તરાયણમાં થોડી હવા આપું છું ! પણ હવે ફેબ્રુઆરીમાં કોઈ એક હોલીડેમાં વર્કીંગ ડે રાખવો પડશે ! ઓકે ?
***
- મન્નુ શેખચલ્લી
Comments
Post a Comment