આવા ગુલાબી શિયાળામાં જો પ્રિયતમા કરતાં પણ વહાલી લાગે તેવી હોય તો એક જ ચીજ છે… રજાઈ ! એ જ વાત ઉપર માણો આ નવી ગઝલ…
***
જીવનનાં સુખ ને દુઃખો છે
રજાઈમાં… રજાઈમાં…
વધુ બે ક્ષણ તો રહેવા દો
રજાઈમાં… રજાઈમાં…!
***
કોણે શું પામી લીધું, કહો
વહેલાં ઊઠી, દોડી દોડીને ?
પૂછો તો સઘળી સંપત્તિ છે
રજાઈમાં… રજાઈમાં…!
***
ભલે મહેલો ના હો, કે
ના હો નોકરો-ચાકરો
અહીં તો સારી ઐયાશી છે
રજાઈમાં… રજાઈમાં…!
***
બસ, એક એની યાદ, ને
બીજો આપી દો મોબાઈલ
પછી તો જોઈએ બીજું શું ?
રજાઈમાં… રજાઈમાં…!
***
ભલે શોધો તમે સત્યો
જગતની જંગ-ઓ-જહેમતમાં
અહીં સત્યમ્ શિવમ્ સુંદરમ્
રજાઈમાં… રજાઈમાં…!
***
હવા આ આવે છે ક્યાંથી ?
કે રહી ગઈ ખુલ્લી બારી છે ?
છે શાયદ ચાદરો કાણી ?
કે ખસી ગઈ સ્થાનેથી આજે ?
સમસ્યાઓ જગતની આ જ છે
રજાઈમાં… રજાઈમાં…!
***
કહી દો સમયને ‘રેસ્ટ’ લે
શી ઉતાવળ સૂર્યને છે, યાર ?
પ્રોબ્લેમો માંડ જંપ્યા છે
રજાઈમાં… રજાઈમાં…!
***
પેદા થયા ’તા ઢૂંઢવા
કોઈ સનમને ‘કલાપી’
અમને તો આમ જ મળી ગઈ
રજાઈમાં… રજાઈમાં…!
***
હવે બસ, એક મળી જાય
ગરમાગરમ ચા પથારીમાં
પછી તો સ્વર્ગ જ છે અહીં
રજાઈમાં… રજાઈમાં…!
***
- મન્નુ શેખચલ્લી
😇😇
ReplyDelete