મુંબઈના પોલીસ ઓફિસરે જે પત્ર લખ્યો છે એના કારણે ક્રાઇમ અને પોલીસને લગતી ભલભલી ભ્રમણાઓ ભાંગી ગઈ છે ! જુઓ…
***
ભ્રમણા નંબર એક
આપણે એમ માનતા હતા કે દુકાને દુકાને જઈને હપ્તા ઉઘરાવવાનું કામ તો ગુંડાઓ કરે છે.
***
ભ્રમણા નંબર બે
આપણે એમ પણ માનતા હતા કે ‘મન્થલી ટાર્ગેટ’ અને એવું બધું તો માર્કેટિંગ કંપનીઓમાં હોય.
***
ભ્રમણા નંબર ત્રણ
આપણે એવું પણ માનતા હતા (ફિલ્મો અને વેબસિરિઝો જોઈને) કે પૈસાદાર લોકોને ધમકી આપીને રૂપિયા કઢાવવાનું કામ ચીપ ટાઈપના ટપોરીઓ કરતા હોય છે.
***
ભ્રમણા નંબર ચાર
જાંબાજ પોલીસ ઓફિસરો અંડરવર્લ્ડના ગુન્ડાઓને મારી નાંખે છે અને સામાન્ય નાગરિકોને રક્ષણ આપે છે.
***
ભ્રમણા નંબર પાંચ
જેને તરતાં આવડતું હોય એ કદી પાણીમાં ડૂબીને આત્મહત્યા કરે નહીં.
***
ભ્રમણા નંબર છ
કારમાં બોમ્બ મુકવાનું, બોમ્બ વડે ધમાકો કરવાનું અને ધમાકો થાય કે ના થાય એની જવાબદારી લેવાનું કામ ‘આતંકવાદી’ સંગઠનો કરતા હોય છે.
***
ભ્રમણા નંબર સાત
કોઈ મિનિસ્ટર કોરોનાગ્રસ્ત થયો હોય તો તે ગમે ત્યાં બેસીને કોઈને સૂચનાઓ ના આપી શકે.
***
ભ્રમણા નંબર આઠ
અને આપણે હજી એમ માનીએ છીએ કે દેશમાં કમ સે કમ એક રાજકીય પાર્ટી તો છે જે સંપૂર્ણપણે દૂધે ધોયેલી અને ગંગા નહાયેલી છે ! હા હા હા હા...
***
- મન્નુ શેખચલ્લી
Comments
Post a Comment