અમુક જુના જમાનાની કહેવતોનો વિચાર કરતાં ક્યારેક સવાલો થાય છે… ત્યારે એમાંથી અમુક ટ્યુબલાઈટ પણ થઈ જાય છે ! જુઓ નમૂના…
***
કહેવત
‘સાત ગળણે ગાળીને પાણી પીવું…’ એટલે શું ?
ટ્યુબલાઈટ
સેવન લેયર માસ્ક મોં ઉપર હોય છતાં ડાયરેક્ટ મિનરલ વોટરનો બાટલો મોંઢે માંડવો !
***
કહેવત
‘આંગળી ચીંધ્યાનું પૂણ્ય મેળવવું…’ એટલે શું ?
ટ્યુબલાઈટ
નાકમાં આંગળી ખોસીને, ગુંગા કાઢીને, ખાઈ જવા !
***
કહેવત
‘બળનું કામ કળથી કઢાવવું…’ એટલે શું ?
ટ્યુબલાઈટ
બેન્કમાં લૂંટ કરવાને બદલે બેન્કમાંથી લોન લેવી !
***
કહેવત
‘ખાળે ડૂચા અને દરવાજા ખુલ્લા…’ એટલે શું ?
ટ્યુબલાઈટ
ઓસ્કાર એવોર્ડના સમારંભમાં પેલી ફોરેનની એકટ્રેસો લાંબા લાંબા ગાઉન પહેરે છે છતાં ખભા સાવ ઉઘાડા રાખે છે તે !
***
કહેવત
‘જંગલ મેં મોર નાચા, કિસી ને ના દેખા…’ એટલે શું ?
ટ્યુબલાઈટ
નવો મોંઘો ડ્રેસ પહેરીને ફેસબુકમાં દસ ફોટા મુકવા છતાં એકપણ લાઈક ન મળવી, તે !
***
કહેવત
‘રજનું ગજ થઈ જવું…’ એટલે શું ?
ટ્યુબલાઈટ
ટ્વીટથી તબાહી થઈ જવી. (કંગના રાણાવતને પૂછો !)
***
- મન્નુ શેખચલ્લી
Comments
Post a Comment