લો બોલો, હવે સિંધુ બોર્ડર ઉપર આંદોલન કરનારા ખેડૂતોને ગરમી ના લાગે એટલા માટે ત્યાં મોટા પંખા તથા એસી પણ લગાડવામાં આવશે !
આ હિસાબે તો અમને લાગે છે કે…
***
જતે દહાડે અહીં આંદોલનકારીઓને નહાવા માટે શાવર અને બાથ-ટબ પણ ગોઠવશે.
***
અને જો શાવર-બાથટબ ગોઠવો તો પછી એકાદ સ્વીમિંગ પૂલ પણ બનાવી દેશે ને ! ભઈ, આખરે તો હકની લડાઈ છે !
***
આ હિસાબે જોતાં હવે આંદોલન તો લાંબુ જ ચાલવાનું, તો પછી અત્યારથી એક એરપોર્ટની માગણી મુકી દેવામાં શું વાંધો છે ?
***
જો કે ગરીબ ખેડૂતોની માગણી છે કે એરપોર્ટ ભલે બનાવો, પણ અમારે માટે એક હેલિ-પેડ તો તાત્કાલિક બનવું જોઈએ !
***
મૂળ શું છે, કે આંદોલનમાં ભાગ લેવા માટે મહિલાઓ ઓછી આવે છે તેથી એક ડિમાન્ડ એવી પણ છે કે મહિલાઓની ભાગીદારી વધારવા માટે અહીં ઠેર ઠેર બ્યુટિ-પાર્લરો પણ બનાવવાં જોઈએ !
***
સરકાર વારેઘડીએ ઇન્ટરનેટ કાપી નાંખે છે તેથી હવે જનરેટર વડે ચાલતાં વાઈ-ફાઈ ટાવરો પણ ઊભાં કરી જ દેવાનાં છે.
***
અમુક ઇન્ટરનેશનલ બાબતોના જાણકાર ખેડૂતોની ખાસ માંગણી છે કે સિંધુ બોર્ડર ઉપર મસ્ત ઇલેક્ટ્રોનિક્સ લાઇટોવાળું ઓડિટોરિયમ બનાવવું જોઈએ. જેથી રેહાન્ના જેવી ગાયિકાઓ આંદોલનને સપોર્ટ કરવા માટે આવી શકે.
***
સાથે સાથે પંજાબી-પોપ આલ્બમોનાં શૂટિંગ માટે સિંધુ બોર્ડર ઉપર એક ફિલ્મ-શૂટિંગ સ્ટુડિયો પણ બનાવવાનાં છે.
***
બ્યુટિ પાર્લરોથી યાદ આવ્યું કે હવે અહીં મેરેજ બ્યુરો પણ ખોલવામાં આવશે !
***
અને મેરેજ બ્યુરો ઉપરથી યાદ આવ્યું કે જતે દહાડે સિંધુ બોર્ડર ઉપર એક મેટરનિટી હોમ પણ જોઈશે જ !
- લાંબુ ચાલશે ભઇ…
***
- મન્નુ શેખચલ્લી
Comments
Post a Comment