આ દિવાળીના ચોઈસ...

દર વરસ કરતાં આ વખતની દિવાળી સાવ અલગ રહેવાની છે. આપણને લાગે છે કે આ વખતે તો ખાસ કોઈ ચોઈસ જ નથી ! પણ ના, એવું નથી. જુઓ…

***

સવાલ (1)

આ દિવાળીએ તમે ફરવા માટે ક્યાં જશો ?

ચોઈસ (1) : મામાને ઘરે

ચોઈસ (2) : કાકાને ઘરે

ચોઈસ (3) : ધાબે

***

સવાલ (2)

આ દિવાળીએ તમે નાસ્તાનું શું કરશો ? ?

ચોઈસ (1) : શક્ય હોય એટલા જાતે બનાવીશું.

ચોઈસ (2) : પતિને શીખવાડવા માટે જેટલા બને એટલા બનાવીશું.

ચોઈસ (3) : પાડોશણનો પતિ કહ્યાગરો છે. એ લોકો બનાવશે તો થોડા ચાખવા તો મોકલશે જ ને !

***

સવાલ (3)

આ દિવાળીએ નવાં કપડાંનું શું કરશો ?

ચોઈસ (1) : સાત મહિના પહેલાં જે નવાં લીધાં હતાં એ હજી નવાં જ છે.

ચોઈસ (2) : નવા લઈશું પણ ઓનલાઈન જ ઓર્ડર કરીશું. મોલમાં નહીં જઈએ.

ચોઈસ (3) : નવામાં તો થોડાં મેચિંગ માસ્ક લેવાનાં છે ! લગ્નોમાં પહેરવા માટે…

***

સવાલ (4)

આ દિવાળીમાં બજારમાં કઈ ટાઈપની સ્કીમો આવશે ?

ચોઈસ (1) : બે સાડીની ખરીદી ઉપર ત્રણ ડિઝાઈનર માસ્ક ફ્રી.

ચોઈસ (2) : એક પ્રેશરકૂકર સાથે એક સેનિટાઈઝરની બાટલી ફ્રી.

ચોઈસ (3) : સેનિટાઇઝરની બાર બાટલી ખરીદનારને એક રેપિડ કોરોના ટેસ્ટ ફ્રી.

***

- મન્નુ શેખચલ્લી