આ કોરોના વાયરસને લીધે ભલભલી મઝાઓની પથારી ફરી ગઈ છે. જુઓને, આ વખતની જન્માષ્ટમી પણ કેવી ગઈ…
***
આ વખતની જન્માષ્ટમીમાં…
બિચારા કંઈ કેટલા લોકોએ ઘરમાં બેઠાં બેઠાં ઓનલાઈન તીનપત્તી રમવી પડી !
***
આ વખતની જન્માષ્ટમીમાં…
પોલીસોને પણ ‘જુગારધામો’ ઉપર છાપાઓ મારવા ના મળ્યા !
***
આ વખતની જન્માષ્ટમીમાં…
સોસાયટીના દોઢ-ડાહ્યાઓને મટકી ફોડવાને બહાને છોકરીઓને ઇમ્પ્રેસ કરવાનો ચાન્સ ના મળ્યો !
***
આ વખતની જન્માષ્ટમીમાં…
દીવ, દમણ કે આબુમાં અડધું અમદાવાદ, અડધું સુરત કે અડધું રાજકોટ ઉમટેલું જોવા ના મળ્યું !
***
આ વખતની જન્માષ્ટમીમાં…
ન્યુઝ ચેનલોને પણ ગયા વખતની જન્માષ્ટમીના ફૂટેજ બતાડીને પૈસા બચાવવાનો ચાન્સ ના મળ્યો !
***
આ વખતની જન્માષ્ટમીમાં…
ચોખલિયા પર્યાવરણવાદીઓને ‘પાણીનો બગાડ થાય છે…’ ‘મટકી ફોડવામાં સગીર વયનાં બાળકોને જોખમ છે’… એવાં રોદણાં રડવાના મોકા પણ ના મળ્યા ! અરેરે…
***
બાકી આ વખતની જન્માષ્ટમીમાં…
કનૈયાનો જન્મ ખરેખર એક જાતની કેદમાં થયો કહેવાય ! બોલો, આ પણ કૃષ્ણલીલા !
***
- મન્નુ શેખચલ્લી
Comments
Post a Comment