છેલ્લા 4-5 મહિનાથી કોરોના વાયરસને લીધે દુનિયા એટલી બદલાઈ ગઈ છે કે હવે તો જુની કહેવતો પણ બદલાઈને નવી થઈ ગઈ છે !
***
માણસ માત્ર માસ્કને પાત્ર.
***
જાગ્યા ત્યાંથી… હાથ ધૂઓ.
***
ઝાઝા ટેસ્ટ રળિયામણા.
***
હોઠ સાજા તો માસ્કથી ઢાંક્યા.
***
જેટલા મોં એટલા ઇલાજ.
***
બાર ગાઉએ ઝોન બદલાય.
***
…. પ્રભાતે આંકડા દર્શનમ્ !
***
નવો દરદી નવ વાર હાથ ધૂએ.
***
જીવતો નર સેનિટાઈઝર પામે.
***
ઘેર ઘેર કોરોનાના ઉકાળા.
***
વેન્ટિલેટરનાં નીવડ્યે વખાણ.
***
કોઈનો રિપોર્ટ કોઈના નામે.
***
ડોશી મર્યાનો ભો નથી,
કોરોના ભાગી ગયાનો ડર છે.
***
ઝાઝા કેસ ઝોન બગાડે.
***
ઘરનાં છોકરાં સાબુ વાપરે,
ને કામવાળીને સેનિટાઇઝર.
***
પોઝિટીવ સાથે નેગેટિવ જાય,
કોરોના નહીં તો ફ્લુ થાય.
***
સો દહાડા સેનિટાઈઝરના,
એક દહાડો કોરોનાનો.
***
પોઝિટીવનાં પાપ છાપરે ચડીને પોકારે.
***
લેવા ગયા ’તા દુપટ્ટા,
લઈને આયા માસ્ક.
***
સિવિલમાં સો બિમારી,
પ્રાયવેટમાં ખિસ્સાં ખાલી.
***
‘આપ’ ભલા તો ‘ભાજપ’ ભી ભલા !
***
- મન્નુ શેખચલ્લી
Comments
Post a Comment