પેટ્રોલ કરતાં ડિઝલ મોંઘું હોય એવી અજાયબી કંઈ પહેલી વાર નથી થઈ ! ઇન્ડિયામાં ઓલરેડી આવી અનેક અજાયબીઓ છે. જુઓ...
***
અજાયબી પહેલી
દંડ કરતાં ન્યાય મોંઘો હોય !
***
અજાયબી બીજી
દારૂની બાટલી કરતાં ગેસનો બાટલો મોંઘો હોય !
***
અજાયબી ત્રીજી
સ્હેજ માપ કાઢીને ગણી જોજો, બિયર કરતાં ચા મોંઘી છે !
***
અજાયબી ચોથી
કિલોનો ભાવ કાઢીને ગણી જોજો સાહેબ, કાજુ-બદામ કરતાં બટેટાની વેફર્સ મોંઘી છે !
***
અજાયબી પાંચમી
યાર, આખેઆખી બ્રેડ કરતાં સસ્તામાં સસ્તી સેન્ડવીચ મોંઘી છે !
***
અજાયબી છઠ્ઠી
સિનિયર સિટિઝનને પૂછી જોજો, વડીલ, ભોજન કરતાં તો વિટામિનની ગોળીઓ મોંઘી જ હોય !
***
અજાયબી સાતમી
કોઈપણ કોર્પોરેટ કંપનીમાં જઈને પૂછો, અનુભવીઓ કરતાં ફ્રેશર્સ મોંઘા જ હોય !
***
અજાયબી આઠમી
સાવ સીધો હિસાબ છે યાર. વાળ કરતાં તો વાળનો રંગ (હેર-ડાઈ) મોંઘી પડે છે !
***
અજાયબી નવમી
અને સૌ જાણે છે, ભઈ, કે પાયજામા કરતાં જાંઘિયો હંમેશાં મોંઘો જ હોય !
***
- મન્નુ શેખચલ્લી
Comments
Post a Comment