જયપુરમાં પેલાં તીડનાં ટોળેટોળાં ધસી આવ્યાં તેનો વિડીયો જોયો કે નહીં ? અરે, એની ‘ફની’ સાઈડ પણ જોવા જેવી છે…
***
કહે છે કે આ તીડ પાકિસ્તાને મોકલ્યાં છે !
આ જાણ્યા પછી ચીને પાકિસ્તાનને ફરિયાદ કરી છે કે અમારા ગરીબ ચીનાઓના ભોજનનો કોળિયો તમે ભારતમાં કેમ ફેંકી દીધો ?
***
દરમ્યાનમાં જયપુરની ચાઇનિઝ રેસ્ટોન્ટ અને ચાઇનિઝ ફૂડની લારીઓમાં નવી આઇટમો ઇન્ટ્રોડ્યુસ થઈ ગઈ છે :
તીડ મંચુરિયન, તીડ ડ્રાય મંચુરિયન, તીડ ફ્રાઈડ રાઈસ, તીડ મિક્સ નૂડલ્સ તથા સેઝવાન તીડ સોસ !
***
દરમ્યાનમાં જયપુરના અથાણા ઉદ્યોગના માલિકોએ પણ ચીનને ઓફર મોકલી છે કે અમે તમને આટલી આઇટમ મોકલી શકીએ છીએ :
તીડ મસાલા અથાણું, તીડ ખાટો છુંદો, તીડ મીઠો મુરબ્બો, સૂકવેલા તીડનું અથાણું અને સૂકવેલા તીડનો પાવડર !
***
દરમ્યાનમાં પાકિસ્તાને ખુલાસો કર્યો છે કે અમે તો જયપુરમાં લોકડાઉનનું પાલન સારી રીતે થાય એટલા માટે જ તીડ મોકલ્યાં છે !
***
જોકે પાકિસ્તાની તીડ અને પાકિસ્તાની આતંકવાદીઓમાં એક જ વાત કોમન છે :
બન્ને ઇન્ડિયામાં મરવા માટે જ આવે છે.
***
જયપુર મહાનગરપાલિકાએ તીડનાં ટોળાં ઉપર દવાનો છંટકાવ તો કર્યો છે પરંતુ તેની ખાસ અસર થઈ નથી.
દરમ્યાનમાં નગરપાલિકાએ ખુલાસો કર્યો છે કે એ દવા નહીં, પણ સેનિટાઇઝરનો છંટકાવ હતો ! આના કારણે તીડ દ્વારા તો કોરોના વાયરસનો ચેપ ફેલાશે નહિ !
***
દરમ્યાનમાં એક અઘોરી બાબાએ કહ્યું છે કે આ બધાં તીડ છેલ્લા, ત્રણ મહિનાથી કેન્સલ થયેલી ફ્લાઈટોનાં ભૂત છે !
***
- મન્નુ શેખચલ્લી
Comments
Post a Comment