એકાદ દિવસ એવો હોય છે જ્યારે અનેક ન્યુઝ ઉપર અમને ‘ટિપ્પણી’ અને ‘વિશેષ ટિપ્પણી’ સુઝે છે…
***
ન્યુઝ
રાહુલ ગાંધી પૂછે છે કે પુલવામા હુમલાનો ફાયદો કોને થયો ?
ટિપ્પણી
લો બોલો, એક વરસ થઈ ગયું છતાં રાહુલજીને હજી સમજાયું નથી !
વિશેષ ટિપ્પણી
રાહુલજી આવું પૂછી શકે છે કેમ કે 2008ના મુંબઈ આતંકવાદી હુમલાથી કોંગ્રેસને કોઈ ખાસ નુકસાન નહોતું થયું ને !
***
ન્યુઝ
ઇમરાન ખાન જાતે કાર ચલાવીને તૂર્કીના પ્રમુખને એરપોર્ટથી લઈ ગયા.
ટિપ્પણી
એટલે જ મોદીજી કાર નથી ચલાવતા !
વિશેષ ટિપ્પણી
એમ તો રાજીવ ગાંધી જાતે વિમાન ચલાવી શકતા હતા પરંતુ એમણે કદી… (બસ, આ જ ફરક છે, ઔકાતમાં !)
***
ન્યુઝ
ટેલિકોમ કંપનીઓએ 1.47 કરોડ રૂપિયા સરકારને ચૂકવ્યા નથી.
ટિપ્પણી
લો, બોલો ! લગભગ આટલા જ રૂપિયા સરકારે રિઝર્વ બેન્કમાંથી લઈને દેશની બેન્કોમાં ઠાલવવાના છે !
વિશેષ ટિપ્પણી
હવે સમજાય છે કે આપણે પ્રોપર્ટી ટેક્સ, જીએસટી, ઇન્કમટેક્સ વગેરે શા માટે બિચારી સરકારને સમયસર ચૂકવી દેવા જોઈએ !
***
ન્યુઝ
સિમોન નામની ફીટ મહિલા હવામાં 1 મિનિટ સુધી રહી શકે છે.
ટિપ્પણી
લો બોલો, અમારા મોદી-શાહ તો પાંચ પાંચ વરસ સુધી હવામાં રહેતા હોય છે !
વિશેષ ટિપ્પણી
જોકે દિલ્હીની હવામાં પ્રદૂષણ બહુ વધારે છે !
***
ન્યુઝ
ટ્રમ્પની મોટેરા મુલાકાત પાછળ 100 કરોડનો ખર્ચ થશે.
ટિપ્પણી
આ ટ્રમ્પની મોટેરામાં પહેલી સેન્ચુરી હશે !
વિશેષ ટિપ્પણી
જ્યારે મોટેરામાં મેચો રમાશે ત્યારે તો 500 - 700 કરોડ ખર્ચાશે... સટ્ટામાં !
***
- મન્નુ શેખચલ્લી
Comments
Post a Comment