ન્યુઝ :
દિલ્હીમાં CAA વિરોધી રેલી ઉપર એક 17 વરસના છોકરાએ ગોળીબાર કરી નાંખ્યો.
નુક્તેચીની :
આ હિસાબે અનુરાગ ઠાકુરને ભાજપ અન્ડર-19 ટીમના કોચ બનાવી દેવા જોઈએ.
***
ન્યુઝ :
ગુજરાતના શહેરોમાં હેલ્મેટ ફરીથી ફરજિયાત.
નુક્તેચીની :
આને કહેવાય, સરકારે લાખો ગુજરાતીઓની ‘ટોપી’ ફેરવી નાંખી !
***
ન્યુઝ :
વુહાન વાયરસને કારણે ચીનમાં વસતા વિદેશીઓ તાબડતોબ પોતાના દેશમાં ભાગી રહ્યા છે.
નુક્તેચીની :
એક વાત તો માનવી પડે, ચીન આખી દુનિયામાં કંઈપણ ‘એક્સ્પોર્ટ’ કરી શકે છે !
***
ન્યુઝ :
સ્ટેન્ડ-અપ કોમેડીયન કુણાલ કાલરાના હવાઈ-પ્રવાસો ઉપર પ્રતિબંધ.
નુક્તેચીની :
કમાલ છે ! ‘સ્ટેન્ડ-અપ’ કોણ હતું અને બેઠેલું કોણ હતું ? ‘કોમેડી’ કોણે કરી અને ‘ટ્રેજેડી’ કોની થઈ ગઈ ?
***
ન્યુઝ :
ભાગી ગયેલા વેવાઈ-વેવાણ પાછાં આવી ગયાં છે.
નુક્તેચીની :
છતાં સાંભળજો, લગ્ન-સિઝન હજી પતી નથી !
***
ન્યુઝ :
ન્યુઝિલેન્ડ વધુ એક મેચ સુપર-ઓવરમાં હારી ગયું.
નુક્તેચીની :
હાર-જીત છોડો, જોવાનું એ છે કે લગભગ જીતાઈ ગયેલી મેચને છેક ‘ટાઈ’ સુધી લઈ જવામાં આજે ન્યુઝિલેન્ડ વર્લ્ડ-ચેમ્પિયન છે !
***
ન્યુઝ :
દિલ્હીમાં 7 ફેબ્રુઆરીએ મતદાન છે.
નુક્તેચીની :
પ્રચારના ઝનૂન ઉપરથી તો એવું જ લાગે છે કે હવે દિલ્હીવાસીઓ જ નક્કી કરશે કે CAAનું શું કરવાનું છે !
***
- મન્નુ શેખચલ્લી
Comments
Post a Comment