'છપ્પાક' અને અમુક લોકો ...

કહે છે કે વિવાદોમાં ઘેરાયેલી ફિલ્મ ‘છપ્પાક’ બોક્સ ઓફિસ ઉપર લગભગ ૩૦ કરોડનો વકરો કરી  ચૂકી છે. પરંતુ બીજી બધી ફિલ્મોની સરખામણીમાં ‘છપ્પાક’નો હિસાબ જરા અલગ રીતે ગણવામાં આવે છે...

***

અમુક લોકોને સવાલ થાય છે કે JNUના જે સ્ટુડન્ટોને હોસ્ટેલ ફીમાં ૨૦૦ રૂપિયાનો વધારો પોષાતો નહોતો, એમની પાસે ‘છપ્પાક’ જોવાના 250-300 રૂપિયા ક્યાંથી આવ્યા ?

***

અમુક લોકોને એવી પણ શંકા છે કે શાહીન બાગ પાસે જે બહેનો CAA વિરુધ્ધ ધરણા કરી રહી છે એમને જે રોજના 500 રૂપિયા આપવામા આવે છે એમને 250-300ની ‘છપ્પાક’ની ટિકીટો પણ આપવામાં આવે છે !

***

અમુક લોકો એવો હિસાબ માંડે છે કે ટિકીટ દીઠ 250-300ના હિસાબે 30 કરોડનો વકરો ગણીએ તો દેશના માત્ર 10-12 લાખ લોકો જ CAAનો વિરોધ કરી રહ્યા છે. બાકીના 119.88 કરોડ લોકોએ તો ‘છપ્પાક’નો બહિષ્કાર કર્યો છે.

***

અમુક લોકોમાંથી અમુક લોકો વિચારી રહ્યા છે કે RTI કરીને પેલા 10-12 લાખ દેશદ્રોહી લોકોના નામ-સરનામાં મળી શકે કે નહી ?

***

અને અમુક લોકો તો ખરેખર કન્ફ્યુઝ્ડ છે કે ‘છપ્પાક’ ફિલ્મ એસિડ એટેકની વિરુધ્ધમાં છે કે CAAની વિરુધ્ધમાં ?

***

આ અમુક લોકોમાં અમુક લોકો એવા છે જે કદી ફિલ્મો જોતા જ નથી એટલે જ ‘છપ્પાક’નો બહિષ્કાર કરે છે...

અને અમુક લોકોમાં અમુક લોકો એવા છે કે જે CAAનો વિરોધ કરવા માટે ‘છપ્પાક’ જોવા તો માગે છે પણ 250-300 ખરચતાં પહેલાં સત્તર જણાને પૂછી રહ્યા છે : “છપ્પાક કેવી છે ? તમે જોઈ ?”

***

- મન્નુ શેખચલ્લી