કોણ કહે છે કે મોબાઈલ સર્વિસના ભાવ વધી ગયા ? અમે તો કહીએ છીએ કે આજે દેશમાં સસ્તામાં સસ્તી કોઈ ચીજ હોય તો ડેટા જ છે…
***
ડુંગળી કરતાં
ડેટા સસ્તો…
હેલ્લો, શું કહો છો !
***
દૂધ કરતાં
ડેટા સસ્તો…
દૂધ ક્યારેક ફાટી પણ જાય
ડેટા તો હંમેશા ‘ફાડી’ નાંખે !
હેલ્લો, શું કહો છો…
***
પોપકોર્નની ‘બકેટ’ કરતાં
ડેટા-પેકની ‘બકેટ’ સસ્તી…
ચા પતી જાય પાંચ મિનિટમાં
ડેટા ચાલે મહિનો…
૨૦૦ રૂપિયામાં એક પિક્ચર
2GBમાં આઠ પિક્ચર…
હેલ્લો, શું કહો છો !
***
માવાની મારો પિચકારી
દૂર જશે બસ દસ ફૂટ.
પણ વોટ્સ-એપનો વોઈસ કોલ…
કાપે હજારો કિલોમીટર !
યુધ્ધ કરતાં
‘પબ-જી’ સસ્તું…
હેલ્લો, શું કહો છો !
***
સાઈકલની ટ્યૂબ કરતાં
યુ-ટ્યૂબની ટ્યૂબ સસ્તી...
ટેક્સ્ટ બુકની બુક કરતાં
ફેસબુકની લુક સસ્તી...
ટેલિગ્રામના રેટ કરતાં
સસ્તું ઈન્સ્ટાગ્રામ….
ભલે વધતી બેકારી
તોય, બિઝી આખું ગામ !
'વર' કરતાં
ટાવર સસ્તો…
હેલ્લો, શું કહો છો !
ડુંગળી કરતાં
ડેટા સસ્તો..
હેલ્લો, શું કહો છો !
***
- મન્નુ શેખચલ્લી
Comments
Post a Comment