ઉધારી સુરત રોતી
તોય માગે છે મારુતી...
મારા કડકા વેવાઈ !
***
નહીં ખિસ્સામાં નોટ
બોલો,
નહીં ખિસ્સામાં નોટ
ને રાખવો છે પાર્ટી-પ્લોટ
મારા કડકા વેવાઈ !
***
ઘરમાં નથી રાશન
(ભૂખ્યા છે બધા)
ઘરમાં નથી રાશન
ને જોઈએ છે રિસેપ્શન
મારા કડકા વેવાઈ !
***
ઉછીના લાવ્યા બૂટ
(ધ્યાનથી જુઓ)
ઉછીના લાવ્યા બૂટ
કહો, ક્યાં સીવડાવ્યા સૂટ ?
મારા કડકા વેવાઈ !
***
પિપૂડીનાં હતાં ફાંફાં
પૂછી જુઓ,
પિપૂડીનાં હતાં ફાંફાં
ક્યાંથી લાવશો બેન્ડવાજા ?
મારા કડકા વેવાઈ !
***
ઉધારી ખાય છે પાન
(ગલ્લાવાળો શોધે છે)
ઉધારી ખાય છે પાન
તોય જોડી છે મોટી જાન !
મારા કડકા વેવાઈ !
***
કોલસા જેવા ડાચાં
જુઓ તો ખરા,
કોલસાં જેવાં ડાચાં
શું કરશે વિડિયોવાળા ?
મારા કડકા વેવાઈ !
***
અક્કલ ગઈ છે ચરવા
હાસ્તો,
અક્કલ ગઈ છે ચરવા
ધાબે રાખ્યા છે ગરબા !
મારા કડકા વેવાઈ !
***
વેલણથી ગરબા ટીચે
સંભાળજો...
વેલણથી ગરબા ટીચે
છે જમાઈ પોતે ડી.જે.
મારા કડકા વેવાઈ !
***
બહુ નાચે જાનૈયા
અલ્યા,
બહુ નાચે જાનૈયા
એમાં અડધા છે દારૂડિયા
મારા કડકા વેવાઈ !
***
એંઠવાડ પણ ખૂટ્યા
શું વાત કરો છો ?
એંઠવાડ પણ ખૂટ્યા
તોય ભાણેથી ના ઊઠ્યા
મારા કડકા વેવાઈ !
***
ઘરમાં નથી વાઈ-ફાઈ
બોલો,
ઘરમાં નથી વાઈ-ફાઈ
તોય સ્માર્ટ જોઈએ ટીવી
મારા કડકા વેવાઈ !
***
વેવાઈને કરો ચાંલ્લો
કરો ને ભઈ.
વેવાઈને કરો ચાંલ્લો
એને કરવો છે પાનનો ગલ્લો
મારા કડકા વેવાઈ !
***
ઉધારી સુરત રોતી
તોય માગે છે મારુતી
મારા કડકા વેવાઈ !
***
- મન્નુ શેખચલ્લી
Comments
Post a Comment