ન્યુઝ :
રાહુલ ગાંધી કહે છે કે NRC અને NPR બન્ને ગરીબો ઉપર 'ટેક્સ' છે.
ભજીયું :
એ બધું છોડો, તમે ગરીબોને પેલા 72000 આપવાના હતા એનું શું થયું ?
***
ન્યુઝ :
રૂપાણી સાહેબ કહે છે કે હું અહીં 20-20 રમવા આવ્યો છું.
ભજીયું :
રૂપાણી સાહેબ તમે ટેસ્ટ મેચ રમો ને ! એમાં બબ્બે વાર દાવ લેવા મળે છે.
***
ન્યુઝ :
ગુજરાતના 450થી વધુ ex ધારાસભ્યો ST મુસાફરી મફત મળે તે માટે ધરણાં કરવા ગાંધીનગર આવશે.
ભજીયું :
સાહેબો, તમે લોકો ગાંધીનગર આવશો શેમાં ? તમારી કારમાં જ ને !
***
ન્યુઝ :
શહેરી ભારતીયો બેકારી, ભ્રષ્ટાચાર વગેરે અંગે સૌથી વધુ ચિંતિત છે – એક સરવે.
ભજીયું :
બોસ, તમારે શહેરી યુવાનોનો સરવે કરવા જેવો હતો. એમને સૌથી વધુ ચિંતાઓ ગર્લ-ફ્રેન્ડની હોય છે !
***
ન્યુઝ :
ભાવનગરના મેયર કહે છે કે અમારે ત્યાં ખુલ્લેઆમ દારૂ વેચાય છે.
ભજીયું :
અલ્યાઓ… દીવ-બીવ જવાનું છોડો ! થર્ટી-ફર્સ્ટ માટે બધા ભાવનગર જ પહોંચી જઈએ !
***
ન્યુઝ :
મુશર્રફે દેશદ્રોહના ચૂકાદા સામે પાકિસ્તાનની હાઈકોર્ટમાં અપીલ દાખલ કરી છે.
ભજીયું :
સંભાળજો મુશર્રફજી, તમને પાકિસ્તાનનું રાષ્ટ્રગીત તો આખું મોંઢે છે ને ?
***
ન્યુઝ :
તીડ ભગાડવા માટે રૂપાણીજી – વાઘાણીજી થાળીઓ વગાડી રહ્યા છે.
ભજીયું :
આ બાજુ ઘૂસણખોરોને ભગાડવા માટે મોદી-શાહ CAA વગાડી રહ્યા છે. અસર સરખી જ છે. ઘોંઘાટ વધે છે પણ તીડ જતાં નથી.
***
- મન્નુ શેખચલ્લી
Comments
Post a Comment