પોતપોતાની રાજકીય ખિચડી પકવવા માટે જે તાપણાં સળગ્યાં છે. એ સ્હેજ ઠંડા પડે ત્યારે આપણને યાદ આવશે શિયાળો !
ભઈ, આ શિયાળો કોને કહેવાય ? તો સાંભળો…
***
વગર ગુસ્સાએ દાંત કકડાવે..
એનું નામ શિયાળો !
***
વગર વાંકે ‘બુઢિયા’ બનાવે…
એનું નામ શિયાળો !
***
પત્ની કરતાં રજાઈ વ્હાલી લાગે..
એનું નામ શિયાળો !
***
સવાર કરતાં બપોર વ્હાલી લાગે…
એનું નામ શિયાળો !
***
ગરમ પાણીથી નાહ્યા છતાં ધ્રુજારી ચડે…
એનું નામ શિયાળો !
***
વજન ઘટાડવાની ‘મોર્નિંગ વોક’ પછી જ કકડીને ભૂખ લાગે..
એનું નામ શિયાળો !
***
બસની ભીડ, ટ્રેનના ધક્કા, ગરદીની ભીંસ ‘હુંફાળી’ લાગે..
એનું નામ શિયાળો !
***
માત્ર લુખ્ખાઓ નહિ, અંબાણીઓ અને ટાટાઓ પણ ખાલી હથેળીઓ ઘસતા બેઠા હોય..
એનું નામ શિયાળો !
***
પાતળાં શરીર ભરાવદાર લાગે અને ભરાવદાર શરીર ‘ભંભોટીયાં’ લાગે…
એનું નામ શિયાળો !
***
ભરબપોરે, જમી લીધા પછી તડકો ‘ખાવાનું’ મન થાય…
એનું નામ શિયાળો !
***
રોજ રાત પડે ને, ઠંડી ઉડાડવા માટે ‘પીવાનું’ મન થાય..
એનું નામ શિયાળો !
***
અને સવારે, નિરાંતે ઊંઘતાં કૂતરાંઓને જોઈને, નાઈટ ડ્યૂટીમાંથી પાછા ફરનારાને પણ ઈર્ષ્યા થાય…
એનું નામ શિયાળો !
***
- મન્નુ શેખચલ્લી
Comments
Post a Comment