કોલેજ તો હોય
પણ ક્લાસિઝ ના હોય
ને ક્લાસિઝ જો હોય
તો એમાં ‘લેક્ચર’ ના હોય !
***
લેકચર તો હોય
પણ બોરિંગ ના હોય
ને બોરિંગ જો હોય
તો ક્લાસમાં ગોદડાં હોય !
***
એકઝામ તો હોય
પણ રિઝલ્ટ ના હોય
ને રિઝલ્ટ જો હોય
તો બધા ‘પાસ’ હોય !
***
ચલો, ડિગ્રી તો હોય
પણ પછી નોકરી ના હોય
ને નોકરી જો હોય
તો ત્યાં…
બધી છોકરીઓ જ હોય !
***
છોકરી તો હોય
પણ પછી મેરેજ ના હોય
ને મેરેજ જો હોય
તો મસ્ત સાળી પણ હોય !
***
ફિલ્મો તો હોય
પણ એમાં ટિકિટ ના હોય
ને ટિકિટ જો હોય
તો ગર્લફ્રેન્ડે લીધી હોય !
***
મોલ તો હોય
પણ ત્યાં બધું ફ્રી હોય
ને જો ફ્રી ના હોય
તો ક્રેડિટ કાર્ડ ડેડીનું હોય !
***
બિઝનેસ તો હોય
પણ એમાં મહેનત ના હોય
ને મહેનત જો હોય
તો સેકસી સેક્રેટરી હોય !
***
ઇન્કમ તો હોય
પણ ટેક્સ જ ના હોય
ને ટેક્સ જો હોય
તો મામા મિનિસ્ટર હોય !
***
કાર તો હોય
પણ એના હપ્તા ના હોય
ને હપ્તા જો હોય
તો ચૂકવવાના ના હોય !
***
સપનાં તો હોય
પણ સાચાં ના હોય
ને સાચાં જો હોય
તો આળસુનાં હોય !
***
દેશ તો હોય
દેશભક્તિના હોય
ને દેશભક્તિ જો હોય
તો ફિલ્મોમાં જ હોય !
***
- મન્નુ શેખચલ્લી
Comments
Post a Comment