વડોદરામાં પૂર આવતાંની સાથે કેટલાક મગર વિશ્વામિત્રિ નદીમાંથી તણાઈને સોસાયટીઓમાં પહોંચી ગયા છે !
સિનેરિયો ડરામણો કહેવાય, પરંતુ વડોદરાવાસીઓની સેન્સ ઓફ હ્યુમર અહીં જ ખીલી છે !
***
એક મિત્રએ મેસેજ લખ્યો છે :
“કાલે રાત સુધી એ વિકરાળ નદીવાસીઓની મેં ખૂબ રાહ જોઈ. પછી ગાયું :
“ચાંદ ફિર નિકલા, ‘મગર’ તુમ ન આયે…”
***
‘મગર’ શબ્દને લઈને ફિલ્મી ગાયનોની બીજી સિચ્યુએશનો પણ વિચારાઈ રહી છે ! જેમ કે…
એક એનિમલ લવર કેડ-સમાણાં પાણીમાં ઘરે જઈ રહ્યો છે પણ સામે જ એક ખતરનાક મગર દેખાય છે ! એનિમલ લવર ધ્રુજતા અવાજે ગાવા લાગે છે :
“મુજે તુમ સે મહોબ્બત હૈ, ‘મગર’ મૈં કહ નહીં સકતા !”
***
બીજી એક ગલી એવી છે કે જ્યાં એક સામટા છ-સાત મગરો ચાલી રહ્યા છે ! ગલીમાં એન્ટર થનારો માણસ ડઘાઈ ગયો છે ! એના મોંમાંથી ગીતના શબ્દો સરી પડે છે :
“હૈ યે કૈસી ડગર ? ચલતે હૈં સબ ‘મગર’… કોઈ સમઝા નહીં ! કોઈ જાના નહીં !”
***
એક નાનકડો બાબો પાણીમાં કાગળની હોડી બનાવીને તરાવી રહ્યો હતો. ત્યાં એક મગર આવીને હોડી ચાવી ગયો ! બાબો રિક્વેસ્ટ કરે છે :
“‘મગર’ મુજ કો લૌટા દો, બચપન કા સાવન… વો કાગઝ કી કશ્તી, વો બારિશ કા પાની !”
***
અને આ તો અલ્ટિમેટ સિચ્યુએશન છે : એક મગરે એક સુંદર યુવતીનો પગ પકડી લીધો છે. (એને બહુ ગમી ગઈ હશે, એટલે) હવે એ મગર ગાઈ રહ્યો છે :
“શર્મ આતી હૈ મગર, આજ યે કહેના હોગા, અબ હમેં આપ કે કદમોં હી મેં, રહેના હોગા…”
***
એટલું જ નહીં, બીજા એક મગરે તો એક યુવતીના ગાલ ઉપર કીસ કરીને સેલ્ફી લીધી ! યુવતીએ ચીસાચીસ કરી મૂકી. મગરે નીચે ગાયન લખ્યું :
“મગર… મગર… મગર..
મૈં ને હોઠો સે લગાઈ તો, હંગામા હો ગયા !”
***
- મન્નુ શેખચલ્લી
Comments
Post a Comment