એકત્રીસ… બત્રીસ…
તેત્રીસ… ચોંત્રીસ..
વાહ વાહ.
એકત્રીસ… બત્રીસ…
તેત્રીસ… ચોંત્રીસ…
પછી ?
પાંત્રીસ… છત્રીસ…
સાડત્રીસ… આડત્રીસ…!
***
એકવીસ… બાવીસ....
તેવીસ…. ચોવીસ…
વાહ વાહ
એકવીસ.. બાવીસ…
તેવીસ… ચોવીસ…
પછી ?
લવલી, કિમામ
સોપારી, એકસો વીસ !
***
એબી… સીડી…
ઈએફ… જીએચ…
વાહ વાહ
એબી… સીડી…
ઈએફ.. જીએચ..
મોટેથી બોલો,
એબી… સીડી…
ઈએફ… જીએચ...
હા, પણ આગળ શું ?
આમ જ ચાલુ રાખો,
છેલ્લે આવશે 'વાય ઝેડ’ !
***
એક સો એક…
બસ્સો એક…
પાંચસો એક…
આહાહા.
એક સો એક…
બસ્સો એક…
પાંચસો એક…
સાંભળો,
ચાંલ્લા માટે રૂપિયો
છુટ્ટો આપો !
(આ કવિ માર ખાશે.)
***
પૂર્વ… પશ્ચિમ…
ઉત્તર… દક્ષિણ..
હેં ?
પૂર્વ… પશ્ચિમ…
ઉત્તર… દક્ષિણ…
જુઓ,
દિશા છે દયા
ને જેઠાલાલ છે ગડા !
(મારું ચંપલ ક્યાં છે ?)
***
ઈશાન… અગ્નિ…
નૈઋત્ય… વાયવ્ય…
સાંભળજો.
ઈશાન.. અગ્નિ…
નૈઋત્ય.. વાયવ્ય..
જો તો ખરો,
ચારે ખૂણામાં કચરો છે
ફરીથી સાફ કર !
***
જમીનથી આકાશ સુધી
આકાશથી જમીન સુધી
આ નવી છે.
જમીનથી આકાશ સુધી
આકાશથી જમીન સુધી
શું ?
‘ખાલી જગ્યા’ છે !
દરેક પ્રશ્નનો એક માર્ક.
(આ કવિ નહિ ગાંઠે.)
***
અહીંથી ત્યાં સુધી
ને ત્યાંથી અહીં સુધી
આ ઊંચી છે....
અહીંથી ત્યાં સુધી
ને ત્યાંથી અહીં સુધી
બોલો,
ચોકીદાર આંટા મારે છે
છેક સવાર સુધી !
***
અગિયારસ બારસ
તેરસ ચૌદસ…
ક્યા બાત.
અગિયારસ બારસ
તેરસ ચૌદસ…
અને પછી ?
પૂનમ… પાંડે
પૂનમ… માડમ
પૂનમ… સિન્હા
પૂનમ… ધિલ્લોન !
(કંઈ પણ ? કવિ, કંઈ પણ ?)
***
જા ની વા લી
પી ના રા…
આ છેલ્લી છે.
જા ની વા લી
પી ના રા…
બસ,
બાકી બધા ખાનારા !
ખાઈને મોંઢુ ધોનારા !
Comments
Post a Comment